Carel hawi hna,
Ni tlak lonak khua in mah hi blogg hi ka von ser i cu kong cu ka ttial hmasat bik lai. :) :) Caan a kal sinah rel awk tampi a hun ichap te lai. Hung leng lengmang tawn u.
Kan chuahkehnak Lairam i kan rak um lio ah "ni a tla lo" tiah kan rak theih hmasatbik cu England (British Empire) hi a rak si. An siangnuhrang Elizabeth nih ram tampi a rak tuk i a rak uk hna tikah England i nichuahlei a simi Kawlram in a hnudeuh cun Australia tiang a rak uk hna. America zong a rak uk tikah England ram cu ni a tla lo an rak ti.
A pahnihnak kan rak theih tthanmi cu American missionaries nih thawngttha an rak kan chimh i Bible kan rel hnu in ni a tlak lo nak ram (Vanram) khi kan rak rel khawhmi a si. Asinain ni a tlak lonak ram cu mitthlam in cuanh a rak har ko. Laimi tlawmpalte ram leng an chuah hnu England an phak zong ah zan cu a um ko i ni cu a tla ko.
Asinain cattialtu keimah cu hi ca ka ttial ah ni a tlak lonak ram ah ka um. Norway ram chung chaklei ramtthen ah cun tthal caan may thla in july thla tiang ni a tla lo i ni khat ah suimilam 24 a ummi chung vialte nika hmuh a si. Mah cu mirang in "middnight sun" an ti. Zanttim suimilam 12 in zinglei 1 kar cong ah leng chuah in carel khawh a si, mei a herh ti lo.
Norway i ramtthen a simi Nord Norge le Troms ah cun tthal caan paoh ah ni a tla tawn lo. Ahlei in atu hi ca ka von ttial nak Tromsø timi khua ah cun 2013 chung cu may 20 in july 17 tiang ni a tla ti lai lo.
Middnight Sun, hmanthlak cu ka von tar.
Tromsø khua ah cun Laimi chung hnih an um. Keimah he kan zate 7 kan si. Laimi hna cu an umnak kum 2 leng a si cang i kei kum khat deng ka um ve cang. Khua nuam le khua ttha pakhat a si i mah hi "Ni a tla lomi" hi zoh duh ah ram kip in khual an khat peng.
Tu hi ca ka ttial dih hi 01:00am Europe time a si i thlalangawng in niceu nih ka hmai a von ka kah pah cang. Thlalangawng zarh thap hnih a um i mah cu ka zar lai le ka it ve cang lai, zingka suimilam 7 ah tho ding ka si.
Mangttha ning law.
Ni tlak lonak khua in mah hi blogg hi ka von ser i cu kong cu ka ttial hmasat bik lai. :) :) Caan a kal sinah rel awk tampi a hun ichap te lai. Hung leng lengmang tawn u.
Kan chuahkehnak Lairam i kan rak um lio ah "ni a tla lo" tiah kan rak theih hmasatbik cu England (British Empire) hi a rak si. An siangnuhrang Elizabeth nih ram tampi a rak tuk i a rak uk hna tikah England i nichuahlei a simi Kawlram in a hnudeuh cun Australia tiang a rak uk hna. America zong a rak uk tikah England ram cu ni a tla lo an rak ti.
A pahnihnak kan rak theih tthanmi cu American missionaries nih thawngttha an rak kan chimh i Bible kan rel hnu in ni a tlak lo nak ram (Vanram) khi kan rak rel khawhmi a si. Asinain ni a tlak lonak ram cu mitthlam in cuanh a rak har ko. Laimi tlawmpalte ram leng an chuah hnu England an phak zong ah zan cu a um ko i ni cu a tla ko.
Asinain cattialtu keimah cu hi ca ka ttial ah ni a tlak lonak ram ah ka um. Norway ram chung chaklei ramtthen ah cun tthal caan may thla in july thla tiang ni a tla lo i ni khat ah suimilam 24 a ummi chung vialte nika hmuh a si. Mah cu mirang in "middnight sun" an ti. Zanttim suimilam 12 in zinglei 1 kar cong ah leng chuah in carel khawh a si, mei a herh ti lo.
Norway i ramtthen a simi Nord Norge le Troms ah cun tthal caan paoh ah ni a tla tawn lo. Ahlei in atu hi ca ka von ttial nak Tromsø timi khua ah cun 2013 chung cu may 20 in july 17 tiang ni a tla ti lai lo.
Middnight Sun, hmanthlak cu ka von tar.
 |
| Middnight Sun timi cu mah hi a si, ni a tla lo, a kai colh. |
Tu hi ca ka ttial dih hi 01:00am Europe time a si i thlalangawng in niceu nih ka hmai a von ka kah pah cang. Thlalangawng zarh thap hnih a um i mah cu ka zar lai le ka it ve cang lai, zingka suimilam 7 ah tho ding ka si.
Mangttha ning law.
Comments
Post a Comment