Cucu a za lo, i tuchun ah Trump cozah nih thawng a thanh ning ah nau-pawi liomi nu pawl USA ah tlawnnak VISA pek ding lo ding in timhtuahnak an ngei. USA i a chuakmi paoh cu Automatic in American (citizen) an si colh. Mah hi Trump nih a duh bak lomi a si.
White House statement ah "Mah hi phungphai hi kan ram humhimnak le cozah caah ruat in thlen a herh tiah kan ruah. Cun ram chung mipem phungphai kong ah a tthabik in kan ruahmi a si," an ti.
USA ah naupawi bu in a tlawngmi hna nih nau an hrin tikah USA siizung thilri le phaisa a hleihluat in a dih pinah hi bantuk naupawi bu in USA a tlawngmi hna hmang in sualnak (crime) zong a tam khun tiah White House cathanh ah an ttial chih.
Asinain 1868 i USA phunghrampi ah fiangte in aa ttialmi "USA a chuakmi paoh american sinak an ngei colh," timi the 14th Amendment hi fawite in an thleng kho lai lo tiah zumh a si.
Hi 14th Amendment hi Trump nih hlonh/hrawh a duh. Asinain hrawh khawh nakding ah USA i state 52 lakah 39 (4 ah 3) nih thlen an duh lawng ah thlen khawh ding a si. Cucaah president a ttuan chung ah Trump nih zeiti hmanh in a thlen khawh lai zumh a si lo.
Phunghram a remh khawh lai lo caah VISA tu in kham aa zuam tinak a si.
Comments
Post a Comment