Israel Sermi Thil Liannganbik Pasarih

Israel ram kum 70 a tling lawmhnak he pehtlai in Israel nih ser le chuahmi tampi lakah Vawleipi a hnin khotu le tthahnemnak a chuahpi kho cem tiah an ruahmi pasarih cu a tanglei bantuk hi an si. Minung 630 00 nih an vote mi a si.

1. IRON DOME

Rocket / Missile le Rocket tonhtu (rocket-interceptor) le a kham khomi a si. Iron Dome cu 2007 in an rak ser i Israel nih an sermi thil vialte chung ah a biapibik a si ko lai tiah an ruah. Iron Dome an ser hnu in nihin tiang ah Israel lei an kahmi Rocket le Missiles 1700 hrawng a kham cang tiah Israel minister of defense nih a chim. Rocket le Missile in an van kahmi kha Iron Dome in an i kah ve i Iron Dome nih a dawi i van ah an va puak. 2014 ah voi tam ngai an hneksak i 90% a khen, a kham khawh ti a si. Gaza-strip buainak 2010 hrawng ah Israel a rak vengtu bik cu Iron Dome hi a si.

2. WAZE

Moble Satelite phun khat a si i nihin ah mi tampi nih kan hmanmi GPS ah a biapi tukmi a si. Laimi zong nih kan hman i minung tam tuk hi an duhnak hmun an phak khawh ding a bawmh. 2006 ah an rak ser khawh. Lam na thimmi le na duhnak hmun kal khawh ding an chimtu, pial a herhnak ah pialnak a sawh khomi a si. A sertu Ehud Shabtai a company cu Google sinah 2013 ah khan a rak zuar.

RELCHIH: ISRAEL KONG TIALMI PAWL

3. NETAFIM - drip irrigation (cinthlaknak)
Ram car ah rawl cinthlak-nak ttha ding in a bawmtu a si. Mah hihi ram car these cung ah Israel nih mitsur hang le cawhnuk an chuah ti lengmangmi kha a si ve. 1965 ah Israel ramcar nak Negev ah a ummi lothlo pawl nih cinthlak ning an rak ruat lengmang i an hmuhmi a si. Dripper timi a dor tete in a thlatu, tipeek (pipe) le tikahnak an rak ser i thingthei le tisik-anhnah cu ttha tein an cin khawh. Nihin ah cun Vawleicung i Netafim sernak le a chuakmi 30% hi Israel company nih a khontrawl. 2015 ah $822 million an rak hmuhnak. Laimi nih cawn khawh awk ngai in a um, a thilri zong cawk ding a tam pi lai. Youtube ah an tuahning zong kawl i cawn khawh a si.

4. USB Stick

M-Systems Ltd. cu Israel miphun Dov Moran nih 1989 ah a rak sermi a si i computer file pawl he pehtlaimi fimnak a si. DiskOnChip tiah zuar hmasa a rak si nain a hnu cun Flash Drive ti zong in an auh.

5. Operation tuah tik bawmtu Dr. Robot

Assia Medical Center, the Urology ward nih Israel tecnology a sanning an langhter khawh. Operation / Surgeries tikah minung nih tuah khawh lomi asiloah tampi hlai le ah hau lo in Robot (seh) nih a tuah, a tthit khawh ding in biatak tein an i hmaithlak. Cu an sermi cu Dr. Robot ti zong ah an kawh.

6. CHECK POINT Software Technologies Ltd.

Digital kan hmanmi pawl a him khawhnak ding ah a biapi tukmi a si. 1993 ah Israel phun Gil Shwed nih information kilvennak ding ah chunmang a rak manhmi cu a ser khawh taktak. Ralkap a ttuan pah in an ralkap kong le biathli (Classified information) runvennak ding caah a rak sermi a si i nihin tiang an i tthathnem pi i vawleipi nih kan hman.

7. OFEK SATALLITE

Israel mit ti zong ah an theihmi Ofek Reconnaissance Satellites cu a sertu le a company hi theih a si rih lo nain an ralkap an si lai tiah zumh an si. Cun zeitluk indah a tthat timi zong an phuang siang lo. Hman a thlakmi hi kum thum hrawng lengmang a nung i rian a ttuan. An company nih 1988 ah avoi khatnak an rak kah i atu tiang ah voi hleikhat an kah cang.



Cc: Jerusalem Post