A lunacia kum 17 ah khan ka rak tlangval deng cang, i A.D. kum 2000 a tlin in Vawlei caan dong lai tiah Data-program aa palhmi ruang ah an rak chim. Vantthat ah ka tlangval manh lai lo ti a phangmi zong kan tlangval cang. Cu bantuk cun Maya-miphun pawl caan relning a si ahcun 2012 kum ah vawleipi hi a rawk lai i vawlei thar a chuak lai ti a rak si tthan. Kan vanttha zeihmanh a cang hraw lo.
Chinmi tel in miphun kip le biaknak kip nih nidongh-caan timi kong hi an phuan cio. Profet bantuk in an chim ceo hna. Atu tiang cu a cang hraw rih lo. Facebook zong ah Chin mino zumhtu cheukhat "Jesus nih a rat tthan lai ding kong hi a thei lo taktak hnga maw?" tiah nidongh-caan kong he pehtlaimi an i ruah hna. Bible nih zeimaw cu a kan hmuhsak ko.
Cu he pehtlai in Chemistry, Physics, Medicine and Economics ah Nobel Prize a hmumi 50 hi biahal ding ah aa tlak bik an si ko lai tiah Times Higher Education (THE) nih London ah kum tin an tuahmi World Academic Summit caah biahalnak an tuah hna. Cu Conference ah cun Leicung University tthabik i hruaitu an tling. Nobel Prize hmumi 50 bia an halmi hna cu "Hmailei caan i Minung caah zeidah ttih a nungbikmi ral a si?".
An bialehnak zoh tikah 34% nih minung hlei ruang le khuati thlen/rawh hi a ralaimi caan chung ah harnak a kan pe ding a si an ti. Pahnihnak cu Atom-ral hi a si. Raltuk a hiar tukmi uktu le Atom-hriam a ngei ttung i lar duh tukmi hruaitu hna nih Atom-ral an chuahter lai tiah caan donghnak ding an chim. Pathumnak cu zawtnak i chawnh le ningcang loin sii-ai hmannak hna hi minung caah ral a si an ti. [Biana ah kan hnu kum i Fikfa in a chuakmi zawtnak tibantuk.]
An bialehnak zoh tikah a lettu an ttial lo nain anmah le an lakmi dirhmun cio in an chimmi chung in THE Editor nih aa naihbik a lakmi a si ti a lang.
 |
| Trump hi Nobel Prize hmu 50 nih cun ttih a nung an ti. Caan kong a rak chimtu profet cheukhat kong relchih |
1. Minung hlei (1900 ah 1.5 billion lawng a rak simi atu hi 7.5 billion kan si.), le Khuati-rawhnak/thlennak (34% nih chimmi)
2. Atom-ral (23%)
3. Vawleipi i chawnh khawhmi zawtnak (thli/ti saram phun in)
4. Mah zawn lawng i ruahnak, din lonak le minung hawi cung ah zawnruahnak ngeih lo (8%)
5. A ruahnak bimi/ a lungtlawmmi (ignorant world leaders) vawlei hruaitu pawl (6%)
6. Ralhrang (6%)
7. Mirum le siifak i dannak a san ruang (4%)
8. Fake News le theihnak a tlawm tukmi pawl ruang (3%)
9. Ritsii (2%)
10. FACEBOOK (2%) :D :D
Hi Pahra lakah ka zumhmi cu 1. 4. 5. 8. hi a si. Ttih ding ah ttialmi a si lo, theih a herh tiah ruah caah le cu bantuk hrial khawhnak ding caah ruahmi a si.
A tawinak in ka hon ttialmi a si i an Website ah fiangdeuh in va rel khawh a si.
 |
| Rel ve: Na lungdong hlah! Vawlei hi media nih a chimmi le kan ruahning nakin a tthadeuh. Tthat lei a panh ko. |
Comments
Post a Comment