Laimi lak lawng si loin Vawleicung thawngpang ah North Korea kong lawng a leng. North Korea hi USA nih "phomh" cang seh ti a duhmi, a ruatmi Facebook le Online cattial, khualak biaruahnak zong ah chim ceih a tam. Hmuh kan duhmi kan zoh, chim kan duhmi kan ceih. Asinain North Korea kong lawng si lo in kan Vawlei ah zeidang a cangmi biapi tampi a rak um. Abiana ah khuacaan thlen ruang le Vawlei a linhsat chin lengmang ruangah a ralaimi 2100 kum hnu cun nichuah thlanglei Asia ram pawl ah nun a har tuk te lai, tiah hlathlaitu thiamsang hna nih an chimmi te hna hi pakhat cio nih ceih le theih, ttuanvo i laak phu ngai khi an si.
Cabia dang: Nau min sak an khapmi pawl
Venezuela buainak ai thawk hi April khan a si cang. Ramkhel (politics) buainak a si, i minung 130 hrawng an thi, 2000 hrawng hma an pu. Cozah nih 500 thong a thlak cang hna. Zinan (tinam?) in a rummi ram an si nain an phaisa man a tla (Inflation a sang), misual an karh (criminal), rian ngei lo an tam, eidin a har i sii-ai an har tuk lio a si.
Aruang cu, an ram cozah thimnak an tuah i President Nicolas Maduro nih nawlngeihnak thlah siang lo in ralkap thazang hmang in thimnak cu a tei tthan caah a si. Maduro nih hin ralkap uknak (dictator) in a ram uk ding aa zuam cuahmah i phunghram zong remh a timh. Cu he pehtlai in a dotu pawl nih an duh lonak an langhter i thimnak zong ah an nuar hnawh. Atu cu USA nih chawlehnak a phih. Cu pinah President Maduro cu democracy upat ding in le mipi duhnak upat ding in USA nih a forhfial.
Sihmanhsehlaw, Nicolas Maduro nih nawlngeihnak a chia siang lo. USA nih "Dictator" cazin ah a chiah cang.
11. september ah khan President Trump a hon i thlak cang. "USA nih Venezuela buainak kong ah ralkap thazang hman ding ah innka kan khar lo. Venezuela caah lam tampi kan ngei, asinain a herh si ahcun ralkap kan hman hna lai." tiah Trump nih a chim.
Maduro nih 10. Sept. i Parliament a biachimnak ah Trump he iton i an ram hnih kong ceih tti ding a duh kong le Russia he an i pehtlaihnak a tthat bantuk in USA he zong i hawikomh a duh kong a chim. Asinain USA nih fakdeuh in chawleh a phih (sanctions). Cu pinah minung pariat cu BlackList ah a chih chap hna i cu hna lakah President hlun Hugo Chavez a naupa aa tel.
UN zong nih fakpi in a mawhchiat. South America ram pawl an i tong i Venezuela kong an ceih. Cu hna lakah Peru nih cun democracy phung a buar i Dictator thar aa chuah hnik tiah an pom caah an ram i Venezuela ambassador cu a ram ah a kirter.
Ram pakhat a buai ah siseh, ral a thawh ah siseh, cu ram le ral a thomi lawng nih an tuar lo. A pawngkam zong nih kan tuar. Ral ruang ah a zaammi, a vaimi hna dornak pek ding, cawm ding, hlawm ding tibantuk ttuanvo hna hi minung sinak ah a ruatmi hna nih cun ral hi hrial khawh chung in hrial an duh ko. Mei a alhmi kha hmih an duh i meittil kha ti tawih an duh.
Cabia dang: Nau min sak an khapmi pawl
Venezuela buainak ai thawk hi April khan a si cang. Ramkhel (politics) buainak a si, i minung 130 hrawng an thi, 2000 hrawng hma an pu. Cozah nih 500 thong a thlak cang hna. Zinan (tinam?) in a rummi ram an si nain an phaisa man a tla (Inflation a sang), misual an karh (criminal), rian ngei lo an tam, eidin a har i sii-ai an har tuk lio a si.
 |
| enezuela i Maduro duh lo in a buaimi hna. foto: ronaldo schimdt/AFP/NRK |
Sihmanhsehlaw, Nicolas Maduro nih nawlngeihnak a chia siang lo. USA nih "Dictator" cazin ah a chiah cang.
11. september ah khan President Trump a hon i thlak cang. "USA nih Venezuela buainak kong ah ralkap thazang hman ding ah innka kan khar lo. Venezuela caah lam tampi kan ngei, asinain a herh si ahcun ralkap kan hman hna lai." tiah Trump nih a chim.
Maduro nih 10. Sept. i Parliament a biachimnak ah Trump he iton i an ram hnih kong ceih tti ding a duh kong le Russia he an i pehtlaihnak a tthat bantuk in USA he zong i hawikomh a duh kong a chim. Asinain USA nih fakdeuh in chawleh a phih (sanctions). Cu pinah minung pariat cu BlackList ah a chih chap hna i cu hna lakah President hlun Hugo Chavez a naupa aa tel.
UN zong nih fakpi in a mawhchiat. South America ram pawl an i tong i Venezuela kong an ceih. Cu hna lakah Peru nih cun democracy phung a buar i Dictator thar aa chuah hnik tiah an pom caah an ram i Venezuela ambassador cu a ram ah a kirter.
Ram pakhat a buai ah siseh, ral a thawh ah siseh, cu ram le ral a thomi lawng nih an tuar lo. A pawngkam zong nih kan tuar. Ral ruang ah a zaammi, a vaimi hna dornak pek ding, cawm ding, hlawm ding tibantuk ttuanvo hna hi minung sinak ah a ruatmi hna nih cun ral hi hrial khawh chung in hrial an duh ko. Mei a alhmi kha hmih an duh i meittil kha ti tawih an duh.
Comments
Post a Comment