August 25. i Rakhine ram ah Arakan Rohingya Salvation Army (ARSA) nih Myanmar palek an ral hna i minung 105 hrawng an rak thi. Aung San Suu Kyi zung nih cun ARSA le an tuahsernak cu Tapung (militants) an si lo, Ralhrang (terrorist) an si a ti i Media zong nih Ralhrang timi biafang nan hman lai tiah a forh hna. The Guardian nih a ttial ning ah Suu Kyi zung nih International Aid (NGOs) pawl hi ralhrang bawmtu an si tiah a ti hna. Cu ruangah Human Rights Watch (HRW) nih Suu Kyi cu fakpi in an mawhchiat.
Daihnak laksawng timi Nobel Peace Prize an pekmi Pi Suu Kyi le a party NLD nih 2015 i cozah an tlaih hnu in an i harhbikmi cu Rohingya kong hi a si. Rohingya cu Union of Myanmar tuanbia zoh tikah ramkomh bu chungtel ram ngeitu an si lo. Mipeem an si. Chinmi nakin an tamdeuh i 1.5 million hrawng cu an um lai tiah ruah a si. Suu Kyi nih an kong hi International khual a tlawnnak ah chimrel a hrial lengmang. Amah zong nih rammi sinak a pe hna lo. Cucaah nuhrin covo bu pawl le Muslim pawl nih faktuk in an sawisel cuahmah.
UN nih Myanmar Rohingya buainak he pehtlai in ngiathlatnak tuah ding an i tim nain Suu Kyi cozah nih Visa a pe hna lo. Tu thla canceo ah UN nih Myanmar chung khuakip i UN zungpawl cu khualtlawn i ralrin ding a rak chimh hna. Cu hnu zarh khat ah Maungdaw buainak a chuak. Myanmar ralkap tam ngai Rakhine ah an kuat hna hnu in Rohingya a thong in Bangladesh ah an kir, nain India nih a rak donh ve tawn hna.
ARSA nih Myanmar cozah cu "Ral" kan tho lai riah ralrin a pek.
Rohingya Muslim pawl nih Kawlram nitlak lei i Palek zung 25 hrawng hi an buai hnawh cang hna. August 25. ni kha kum nga chung ah a fakbik a si an ti, nain ARSA nih Ral kan tho lai an ti a si ahcun zeidek a lawh te hnga. Rohingya pawl an tuar ngai ko lai, asinain ARSA an i timh tuahning le an thinlinh ning hi thinphang ngai cu a si ko tiah palek pakhat nih a chim.
Ramkomh bu Kawlram remdaihnak an ser cuahmah lio ah ram a ngei lomi Rohingya pawl kong buainak nih caan saupi chung Kawlram tthanchonak a dawnh lai. Rampi huap remdaihnak ceihhmai tik zong ah dawntu a si. Hi kong ah Ralkap pawl lawng mawhchiat awk an ttha lo. Ralkap an i tel lo i a thli in buainak an thawk lo zongah Democracy lam a zawhmi Myanmar ah an covo asimi rammi sinak, cun cu rammi hna nih an comi vialte kha an hal lai.
Kawlram caah tthathnemnak a ngei lomi, fa tam ngeih le ei lawng a rian i khuaram a hnawmtamtu pawl hi ram ngeitu Rakhine le mipi nih caan sau caah an tuar kho lai lo. Hi cu hrial awk a rak ttha lo.
Suu Kyi le NLD cozah nih Rohingya kong an dirhmun an langhter taktak lo nain timhtuahnak cu an ngei lai tiah ruah a si. A randeuh nakin hi kong hi a fim hlawm khawh ding a biapi ngaingai.
Pope Francis nih November ah Kawlram le Bangladesh a tlawn hnik. Hi kong hmanh ah Buddist Ma Ba Tha cu an aii a puang.
Profoundly irresponsible for Aung San Suu Kyi to accuse int'l #NGOs of involvement in "terrorist" attacks in #Rakhine without any evidence! pic.twitter.com/WqtOXSgyEy— Phil Robertson (@Reaproy) 28. august 2017
Chirhchan:
abc.net.au: ARSA nih cozah ralrin a pek
guardian: Suu Kyi nih UN visa a pe lo
Comments
Post a Comment