- Ka ngeihmi te in hin nun ka thiam ko, tiah kum 77 a si cangmi president nih a chim.
(Nov 17. 2012 ah rak ttialmi): Minung hi amah mui keng in ser kan si nain kan hei lawh lo tuk hna ning, mirum ciocio chungah an vai dang rih hna, mi sifak ciocio zong kan ikhat lo i vawleicung a hruai i a bawimi hna ciocio zong an idan hna ning a ka hngalhter ṭhanmi bia le minung a si. Mi nih uar hleimi an rak um ning, mi caah thazang laknak an rak simi te hna, cu chung in atu President Jose Mujica hi 2012 i vawleicung hruaitu hna lakah ka nunnak i bia fakpi in a chimmi a si caah a kong tawite careltu zapi kan hrawmh ve hna.
November 15, 2012 ah zanlei ka cacawn dih ah ramdang in sianginn a hung kaimi ka hawile he kan Coffee dawr pakhat ah kan to hna i keimah nih ka dangh hna. Mah cu pah cun dawr chung i TV kan zoh hna, bia ruahpah in. Cu lio ah BBC nih ”Vawleicung ramhruaitu President hna lakah a sifak bik mi president” tiah kawhmi Uruguay an president pa kha Intervio a tuah i cikhat te kan zoh.
- «Vawleicung president hna lakah a sifak bik.» an ka ti nain ka sifak tiah kai ruat lo. Mi sifak timi hna cu mirum, rum chin a duh tuk i rian ah ai phummi hna khi an si, izat ti a um lo, tamdeuh deuh ngeih an duh, tiah BBC Mekazin ah a chim.
Ramdang president hna he aa lo lo taktak khi a si. An ram cozah nih pek mi President inn ah a um lo i a nupi he an khualipi ah Lo kau nawn pakhat ah inn fate ngei in khua an sa.
Uruguay cozah nih an pekmi thlahlawh chung in 90% cu mihar le a sifak mi hna bawmhnak caah a pek/hlut peng.
Bible chung i Paul nih ”ka ngeih ah siseh, ka ngeih lo ah siseh nun dan ka thiam cang.” a timi kha ka ruat ṭhan. Ka lung a ka lak ngai caah Jose Mujica kong cu ka lawi hnuah internet in ka kawl ṭhan i ka van ṭial hi a si.
Jose Mujica cu 1960-1970 hrawng ah khan cun Uruguay tapung (Tupamaros timi tapung) a rak si i Cuba revulotion nih a lung a rak thlenmi hna chung ah a rak itel. Meithal tlai in politics khel kha a si i atu kamah miphun CNA/F bantuk hi an rak si.
1970 thawng khan Mujica cu Uruguay cozah nih an rak tlaih nain kum dih lei ah thongtla an rak zaam kho i a rak itel ve. Asinain 1972 ah khan Uruguay palek nih voi ruk an rak kah hnu ah an rak tlaih ṭhan.
1973 ah Uruguay cu Ralkap nih uknak an rak lak khawh i cu lio thongtla hna cu an rak chuah hlei hna lo caah Mujica cu kum 14 thong chung ah a rak nung. Thong chung zong in a leng i ummi a hawile tapung hna he pehtlaihnak an rak ngei kho peng.
Uruguay rampi cu 1985 ah khan Demicracy ram ah a rak i thal. Cu tikah thongtla an chuak i Mujica cu Tupamaros tapung pawl sinah cun ramkhel rian (kehlei) cu a rak peh ṭhan.
Kum le caan a hung kal i 2009 ah Uruguay thimnak ah teinak a hmuh caah Uruguay President cu 2010 thawk khan a ṭuan. Atu cu kum 77 a si cang. Cozah nih pek mi President inn cu a rak cohlang lo. Cucaah Lothlo in Zung a kai lo caan paoh a nupi he caan an hmang.
- Mah tihin ka nunnak i caan tamdeuh cu ka nung ko. Ka ngeihmi te hin nun ka thiam i ka nung kho ko, tiah BBC ah cun a chim cu a si.
Thong a tlak chung vialte a tonmi nih zeitindah khuaruah awk le nunnak hi zoh, cohlan awk a si timi kha a rak cawn kong, BBC ah cun a chim.
- Mah cucu zalonnak a si. Ngeihmi tampi na ngeih lo ahcun na nun chung ah rian zong «sal» bantuk in tampi ṭuan a herh lo. Na ngeihmi hmunh ding ah le ngeih chinchin nak ding ah ṭuan a herh ti lo. Cu ticun nangmah le na chungkhar caah caan tam deuh pi na ser khawh lai, tiah a chim.
Tapung dirhmun in politics party an hun thlen hnu cun Mujica cu an ram ah uar bikmi politician a hung si cang. President a si hlan ah cinthlak/lothlawh(agricultural) lei minister zong a rak ṭuan.
Cu dum ah ah cun a nupi he pangpar dum an tuah i ticun an icawm. Cozah nih pekmi thlahlawh cu 90% hi mihar a pek hna.— Cu ti a si tikah ram rian a ṭuan lo maw, tiah hal a fawite. A ṭuan tuk, cucaah a ram mi nih an upat i an uar tukmi pa a si. Man fak thilthuam he a rian ah le zung ah a phan bal lo.
Mi tampi nih cun hawi a bang lomi, a molh mi ah an ruah ko. Cucu amah zong nih aa theih. Asinain kum 77 a si cang mi president nih hin an ruahnak hi a theihthiam piak khawh tuk hna, nunnak timi ah thil tampi a rak ton cang caah a si, tiah bbc biachimtu nih a chim.
- Hawi he ai lo lem lomi, a molh mi zong cu ka va si kho men ko. Asinain, mah hi cu zalong tein in ithimmi mah duh thim te a si ko, tiah BBC cu a rak leh hna.
President a si hnu in a thlahlawh 90% a pekmi hi thla khat ah Norway phaisa in Kr. 68000,- a si i Kyat in cun 999 6000,- a si, Kr. 1,- ah Ks. 147,- a si lio ah.
Keimah i kan ton a tambik mi cu Laimi hi kan si i, rum lo zong ah a rum bantuk in um duhmi kan sining te hna, thiam lo zong ah a thiam bantuk in kan um te hna hi kan rak no tuk rih cu a si ko rua, Khrihfa sinak zong ah. Nun kan thiam rih lo ning te hna hi Norway minung ka hmuh hna hnu in siseh atu President Jose Mujica kong ka rel hnu in a von ihngal. Hlasak thiam, bawlung chuih thiam minthang tampi le mirum hna chung zongah an rak i lo hna lo, nunnak timi a sunhlawih zia a thiam mi le nunnak a dawmi an rak um ve hrim ko.— §|
Note: Chinjournal nih a ttial tharmi he pehtlaih in tlingdeuh theih a duhmi caah ka tarmi a si.
Cc: ABCnews, Wikipedia, BBC
(Nov 17. 2012 ah rak ttialmi): Minung hi amah mui keng in ser kan si nain kan hei lawh lo tuk hna ning, mirum ciocio chungah an vai dang rih hna, mi sifak ciocio zong kan ikhat lo i vawleicung a hruai i a bawimi hna ciocio zong an idan hna ning a ka hngalhter ṭhanmi bia le minung a si. Mi nih uar hleimi an rak um ning, mi caah thazang laknak an rak simi te hna, cu chung in atu President Jose Mujica hi 2012 i vawleicung hruaitu hna lakah ka nunnak i bia fakpi in a chimmi a si caah a kong tawite careltu zapi kan hrawmh ve hna.
November 15, 2012 ah zanlei ka cacawn dih ah ramdang in sianginn a hung kaimi ka hawile he kan Coffee dawr pakhat ah kan to hna i keimah nih ka dangh hna. Mah cu pah cun dawr chung i TV kan zoh hna, bia ruahpah in. Cu lio ah BBC nih ”Vawleicung ramhruaitu President hna lakah a sifak bik mi president” tiah kawhmi Uruguay an president pa kha Intervio a tuah i cikhat te kan zoh.
- «Vawleicung president hna lakah a sifak bik.» an ka ti nain ka sifak tiah kai ruat lo. Mi sifak timi hna cu mirum, rum chin a duh tuk i rian ah ai phummi hna khi an si, izat ti a um lo, tamdeuh deuh ngeih an duh, tiah BBC Mekazin ah a chim.
Ramdang president hna he aa lo lo taktak khi a si. An ram cozah nih pek mi President inn ah a um lo i a nupi he an khualipi ah Lo kau nawn pakhat ah inn fate ngei in khua an sa.
Uruguay cozah nih an pekmi thlahlawh chung in 90% cu mihar le a sifak mi hna bawmhnak caah a pek/hlut peng.
Bible chung i Paul nih ”ka ngeih ah siseh, ka ngeih lo ah siseh nun dan ka thiam cang.” a timi kha ka ruat ṭhan. Ka lung a ka lak ngai caah Jose Mujica kong cu ka lawi hnuah internet in ka kawl ṭhan i ka van ṭial hi a si.
Jose Mujica cu 1960-1970 hrawng ah khan cun Uruguay tapung (Tupamaros timi tapung) a rak si i Cuba revulotion nih a lung a rak thlenmi hna chung ah a rak itel. Meithal tlai in politics khel kha a si i atu kamah miphun CNA/F bantuk hi an rak si.
1970 thawng khan Mujica cu Uruguay cozah nih an rak tlaih nain kum dih lei ah thongtla an rak zaam kho i a rak itel ve. Asinain 1972 ah khan Uruguay palek nih voi ruk an rak kah hnu ah an rak tlaih ṭhan.
1973 ah Uruguay cu Ralkap nih uknak an rak lak khawh i cu lio thongtla hna cu an rak chuah hlei hna lo caah Mujica cu kum 14 thong chung ah a rak nung. Thong chung zong in a leng i ummi a hawile tapung hna he pehtlaihnak an rak ngei kho peng.
Uruguay rampi cu 1985 ah khan Demicracy ram ah a rak i thal. Cu tikah thongtla an chuak i Mujica cu Tupamaros tapung pawl sinah cun ramkhel rian (kehlei) cu a rak peh ṭhan.
Kum le caan a hung kal i 2009 ah Uruguay thimnak ah teinak a hmuh caah Uruguay President cu 2010 thawk khan a ṭuan. Atu cu kum 77 a si cang. Cozah nih pek mi President inn cu a rak cohlang lo. Cucaah Lothlo in Zung a kai lo caan paoh a nupi he caan an hmang.
- Mah tihin ka nunnak i caan tamdeuh cu ka nung ko. Ka ngeihmi te hin nun ka thiam i ka nung kho ko, tiah BBC ah cun a chim cu a si.
Thong a tlak chung vialte a tonmi nih zeitindah khuaruah awk le nunnak hi zoh, cohlan awk a si timi kha a rak cawn kong, BBC ah cun a chim.
- Mah cucu zalonnak a si. Ngeihmi tampi na ngeih lo ahcun na nun chung ah rian zong «sal» bantuk in tampi ṭuan a herh lo. Na ngeihmi hmunh ding ah le ngeih chinchin nak ding ah ṭuan a herh ti lo. Cu ticun nangmah le na chungkhar caah caan tam deuh pi na ser khawh lai, tiah a chim.
Tapung dirhmun in politics party an hun thlen hnu cun Mujica cu an ram ah uar bikmi politician a hung si cang. President a si hlan ah cinthlak/lothlawh(agricultural) lei minister zong a rak ṭuan.
Cu dum ah ah cun a nupi he pangpar dum an tuah i ticun an icawm. Cozah nih pekmi thlahlawh cu 90% hi mihar a pek hna.— Cu ti a si tikah ram rian a ṭuan lo maw, tiah hal a fawite. A ṭuan tuk, cucaah a ram mi nih an upat i an uar tukmi pa a si. Man fak thilthuam he a rian ah le zung ah a phan bal lo.
Mi tampi nih cun hawi a bang lomi, a molh mi ah an ruah ko. Cucu amah zong nih aa theih. Asinain kum 77 a si cang mi president nih hin an ruahnak hi a theihthiam piak khawh tuk hna, nunnak timi ah thil tampi a rak ton cang caah a si, tiah bbc biachimtu nih a chim.
- Hawi he ai lo lem lomi, a molh mi zong cu ka va si kho men ko. Asinain, mah hi cu zalong tein in ithimmi mah duh thim te a si ko, tiah BBC cu a rak leh hna.
President a si hnu in a thlahlawh 90% a pekmi hi thla khat ah Norway phaisa in Kr. 68000,- a si i Kyat in cun 999 6000,- a si, Kr. 1,- ah Ks. 147,- a si lio ah.
Keimah i kan ton a tambik mi cu Laimi hi kan si i, rum lo zong ah a rum bantuk in um duhmi kan sining te hna, thiam lo zong ah a thiam bantuk in kan um te hna hi kan rak no tuk rih cu a si ko rua, Khrihfa sinak zong ah. Nun kan thiam rih lo ning te hna hi Norway minung ka hmuh hna hnu in siseh atu President Jose Mujica kong ka rel hnu in a von ihngal. Hlasak thiam, bawlung chuih thiam minthang tampi le mirum hna chung zongah an rak i lo hna lo, nunnak timi a sunhlawih zia a thiam mi le nunnak a dawmi an rak um ve hrim ko.— §|
Note: Chinjournal nih a ttial tharmi he pehtlaih in tlingdeuh theih a duhmi caah ka tarmi a si.
Cc: ABCnews, Wikipedia, BBC
Comments
Post a Comment