London i Ecuador Embassy ah aa dormi Wikileaks dirhtu Julian Assange cu UK palek nih thaizing cawn ninga ni (Feb. 5,) ah tlaih khawh a si. Hi pa hi ka lung ah a um ngaimi a si.
2006 kum in Vawleicung cozah pawl a hon lautertu WikiLeaks nih International Politics zeimawzah cu a thlen. Iraq i USA ral a tuknak i phung he kalh in an tuahmi tampi a phuan caah biatak tein WikiLeaks cu ceih le ruah a tong. Kawlram kong zong zeimawzah a rak phuan.Cozah pawl nih a dik loin an tuahmi siseh, vawleicung Organazation lian pawl nih a thli thup in an tuahmi a phuan lengmang i Internet cu a hninh. Asinain ruah lopi ah a dirhtu Australian pa Julian Assange cu Sweden a tlawn i a kir hnu ah "a ka tlaihhrem" tiin Sweden nu pahnih nih an report i an cozah nih tlaih ding in nawl an chuah.
Julian Assange cu Nu tlaihhram lawng si lo in USA ralkap pawl kong a phuan caah Sweden nih an hawi ttha USA sinah an ka kuat lai ti a rak phaang i a rak i tlaihter duh hna lo. A him ti lo caah London i Ecuadur Embassy ah a rak lut, 2012 Jun thla thawk in dornak an pek.
Caan karlak ah USA ralkap kong a chuahpitu Bradly Manning cu USA ralkap biaceih zung nih a bia an ceih. "The Fifth State" tiin Assange kong Movie zong an thlak.
Relchap: Bradley Manning Nih American A Leirawi Maw?
London i Ecuador Embassy ah aa dor nain UK palek nih an congh peng a hauh caah UK cozah nih Assange caah phaisa an tam tuk an dih cang. Cun amah zong Embassy (inn kulh) leng chuah a ngah lo caah inn chung lawngte le a caan ah dum chung ah a chuah lawng a si.
Caan karlak ah USA nih a thli in mi telephone, email vialte a zohmi kong Snowden nih a phuan i WikiLeaks nih Russia tiang a phak khawhnak ding a bawmh.
Relchap: USA a hnihtu hodah a si?
Ecuador Embassy ah mah ti um peng i Internet lawng in rianttuan cu a si khawh ti lo caah Julian Assange nih a ruah. Cun, Sweden cozah nih hin direct in tlaih an duhmi a si lo, nu pahnih a tlaihhrem le tlaihhrem lo kong zung ah biahal an duh lawng a si. Kum 3 chung an i zuam i London ah nan duh ahcun ra ka hal u, a rak ti hna, nain Sweden cozah nih an duh ve lo.Atu cu UN-group pakhat nih Assange kong an hlat cuahmah i mah ti a ummi hi international-law he aa kalh maw kalh lo an zoh. Cucu a thaw a chuah khawhnak pakhat ah a cang.
- Thaizing (feb. 5,) hi UK le Sweden cozah nih tlaih an duhnak he pehtlai in UN nih a sual ko tiah bia a khiah ahcun Ecuador Embassy ka chuah tak lai i an ka tlaihmi cu ka cohlan ko lai. Tlaih lo ding in (a zuukhan) hrial ding cu a fawi ti lomi a si, tiah Wikileaks an hmanmi Twitters ah a ttial.
- Cu a si lo i ka tei ahcun, cun mah hi ram pahnih nih keimah cung ah phung he kalh in an ka hren timi a fian ahcun a rannak in ka Passport nan ka pek lai i keimah tlaihnak ding zei kong hmanh in nan i zuam lai lo (case dang nan ser lai lo), tiah a chim chih.
Relchap: Democracy Tanhtu Paoh Nih Snowden An Lawmh Awk A Si
Asaange caah cun mah hi Embassy hi thonginn a si. Fiang tein a hngalhmi cu Embassy leng ah kar khat a chuah ahcun an tlaih colh ding hi a si. Cun Sweden nih an ram ah an kalpi i biahalnak an tuah ahcun USA ah an kuat colh ding zong a hngalh. Europe ah cozah pawl kar i biakamnak bantuk in UK nih Sweden ah kuatnak nawl a ngeih caah Ecuador ram zong ah a kal kho lo.
Julian Assange hi Australia ah kir i Prime Minister ttuan zong a duh ngai. UN nih a sual lo an ti i a chuah khawh a si ahcun a ralaimi kum pawl ah phung dang ngaiin vawleicung thawngpang a hong chuak tthan te lai, tiah ka ruah.
Cc: ABC CNN Wikpedia/Leaks
Comments
Post a Comment