Scandinavia Welfare States A Uartu US Presidential Candidate

Norway, Sweden le Denmark Welfare system a uartu USA president si khomi Sanders. 

Mah hi Bernie Sanders a si. Democratic Party in Hillary Clinton a tei kho ding cu Sanders lawng a si. Politics ah a dirpimi Socialist cu kum 74 a si hnu lawng ah American nih an hna an tun piak. (atang ah youtube in tlawmpal a dirhmun zoh khawh)

A chim lengmangmi cu mah hi a si:

"Mirum an rum chin lengmang, i mi siifak an siifak chin lengmang. Cun a karlak a ummi pawl hi an har chin lengmang." 

Iowa ah an tuahmi Nomination ah Democratic in Hillary le Republican in Ted Cruz hi teitu an si. Nain a donghnak a si lo, anmah le party cio nih an thim tthan te hna lai. Mah cu tikah H. Clinton he a khingkhang tukmi Sanders hi an party nih an cawisan te khawh ko.

Mino nih an duh tuk, i mino vote tamtuk a hmu kho ding a si. 

Amah hi Chicago University in a dihmi a si i, mah lio te in Young People's Socialist League (YPSL) timi mino-party ah biatak ngaiin a rak i teltum. 1972 kum ah YPSL cu an hrawh bu in a rak aupi lengmangmi bia cu a cung i a chimmi hi a si ko, tiah Politico nih a ttial. YPSL cu 1989 Oct. in an thawk tthan.

Sanders nih voi tampi politics ah a rak i zuam, nain an rak thim ballo. USA ah Socialist ruahnak cu Capitalist nih a tei tuk. Hmun an rak ngei lo. A hnu cun faktuk in a ruahmi hi a rak kalpi (radical a rak si).

1959 i Cuba ah Fidel Castro nih Communist-revolution hmang in uknak a laak i USD nih ramri a phih i chawleh-phihnak a tuah colh.

Sanders nih Fidel Castro cu ton a rak duh lengmang. USA nih ramri le chawleh a phih bu in 1980 hrawng ah Fidel Castro ton ding in Cuba cu a rak pah chih nain a rak tong kho lo, ti a si.

1981 ah Independent in a rak dir i Sanders cu Vermont State ah Mayor of City of Burlington a rak si. Cu thawng a than tikah Vermont leng ah an rak ceih ngaingai i Rolling Stone nih "the Red mayor of the green mountains" tiah an mekazin ah an rak ttial phah.

2006 in Senator a rak si i cu hlan kum 16 chung cu House of Representatives ah a rak tthu. Amah le mah cu "Democratic Socialist" aa ti, i zei party hmanh a ka si lo, a ti nain Nomination caan paoh ah Democratic party caah a ttang.

Bernie Sanders cu Jewish a si. Tu kum January 17, i TV-debate an tuah lio ah USA president si ding in nai zuamnak hi na pa nih hmu sehlaw zeitindah a ruah ve hnga, tiah an rak hal.

Sanders cu a lung a rak hno ngaingai.


A pa, Eli Sanders hi 1921 ah Poland in USA ah a rak pemmi Jewish (Israel) lakah a rak itel ve. Sanders te chungkhat pawl cu ralpi 2nak ah khan Hitler hruaimi Germany ralkap nih an thahmi hna lakah an i tel.

Jewish a simi cung ah aa uang ngai ko. Asinain "Biaknak lei ah kai biatak tuk lo," tiah ni kum ah khan The Christian Science Monitor sinah a rak chim.

Politics hi a biapi lo, asiloah a herh lo a timi an tampi. Asinain a herh ko, i hi careltu hna zong nih a herh ko tiah duhsah in an i fiang chin lengmang lai. A hleiin Laiholh reltu nih politics cu a herh i a biapi ti i fian a si cuahmah.

Bernie Sanders nih The Christian Monitor ah a chim chapmi cu:

"Adolf Hitler timi pa nih 1932 ah cozah thimnak a rak tei, i minung 50 million cu mah cu thimnak ruangah vawlei ralpi sinah an rak thi. Cu a thimi lakah million 6 cu Jewish an si. Mah a si caah ka hmet te in ka ruah pengmi cu politics hi a biapi tuk, timi a si.

Progress Sanders: