Atu hi ca na relnak Iphone, Ipad asiloah Mac. a sertu Company Apple hi Steve Jobs rak um hlah sehlaw, ti hei ruat hmanh. Asilole ruat lem lo in hi ca hi a dongh tiang von rel ve. (atang ah trailer zoh khawh)
Tu thla ah Steve Jobs, timi Film/Movie a chuak i 1998 i Apple nih an rak chuahmi iMac kong he pehtlai in an thlak i a biapi cu tleicia Steve Jobs tuanbia tawi kha a si ko. Jobs kong a si ko nain nihin i kan hmanmi Apple company chuak thil chuak pawl kong zong aa tel, an ti.
Steve Jobs cu Apple company in a chuak i NeXT Computer timi company ah rian a rak ttuan. Asinain 1997 ah cu company cu a kaltak tthan i Apple ah a rak kir, asinain culio ah Apple cu sungzatlaknak nih a nenh luklak hna, i amah Jobs chimnak ah Apple Company a sunghzatlak a tonnak ding ah ni 90 lawng a rak i duh. A ruang cu Newton caah phaisa tamtuk an hman, nain an i ruahning bantuk in an hlawh a rak tling lo.
Newton-project cu Jobs nih a ngol pi hna, i Microsoft cu USD 150million in Invest a tuahter hna i Mac-version Office an rak ser. Mah ti cun a hmasabik iMac an rak ser khawh i thla nga chung ah lung- 800000 an rak zuar khawh. Mah ti cun Apple cu tthan a rak i thawk tthan.
Apple company nih an sermi thil pawl hi Apple rak um hlah sehlaw, Google le Microsoft zong nih a ser awk an theih lo ding, asiloah an ser lo bak ding hi a rak um len tiah nihin technology thiam cheukhat nih an ruah. Apple um lo ahcun atu kan vawlei zong hi phundang in a rak si lai, ti a si.
Kei Apple chuak ah a hmasabik Ipad lawng ka hman bal, a dang nih nan theih bik lai.
Stetve Jobs kong cu zoh kai tim rih lo.
Asinain a kong tawite hi theih awk a ttha tiah ka hon leh:
1955: February 24, ah Stephen Paul Jobs (steve jobs) a rak chuak.
1976: Apple Company cuWozniak le Ronald Wayne he an rak thawk.
1984: A hmasabik an sermi Macintosh-computer cu cawk khawh a rak si.
1985: Lung i khah lonak a tam caah Jobs nih Apple a chuahtak.
1997: Apple ah a kir tthan i Administrator- director a tlaih tthan.
2001: A hmasabik Ipod a chuak.
2003: Internet i hla zuarnak Itunes an thawk (on).
2004: Jobs cu Cancer a si caah aa hlai.
2007: Iphone an hon chuah i vawleipi thlen a thawk.
2010: Apple a man cu Microsoft nakin a hong fakdeuh. Hi kum ah Ipad a chuak.
9. august 2011: Apple nih ExxonMobil timi leicung a lianbik company a lonh i manfakbik ah ai chuah.
24. august 2011: Steve Jobs cu adm. director in ai din.
5. oktober 2011: Steve Jobs hi kum 56 a si ah a nunnak a liam.
Comments
Post a Comment