Tu zarh thawk ah khan Vatican cu Media minung pawl nih an rak kulh i Pope nih cauk a chuah timi tuanbia ah a um theng lem lomi kong ah a rak si. Pope Francis nih “The Name of God Is Mercy,” timi a fawinak in "Pathian min cu zangfahnak a si" cu ram 86 ah zuar an thawk cang.
Pope Francis cu Nobel Peace Prize zong pek a tlak tiah Pope a si hnu in minpek a si lengmang. Vawleicung sifak le ngakchia hna caah fakpi in rian a ttuan i ziknawh le eihmuarnak hi a huat tuknak a langhter lengmang. Tutan a cauk zong ah cu bantuk eihmuar a hmangmi pawl cu fakpi in a dalh hna, tiah a reltu hna nih an chim.
Atu hi holh phun tampi in leh an thawk cuahmah i "Pathian min cu zangfahnak a si," a ti bantuk in zangfahnak kong a chim ngai i Ngeihkhat (gay) kong zong a chim: Gay pawl hi zapi sin in kan tthen hna awk a si lo, a ti. Pope nih hin a cauk thar ah ah Catholic pawl sin lawng ah biachim lo in biaknak vialte sinah a chim ti a si.
Kum 79 a si cangmi Argentina chuak Pope cu Pope ah an thim thawk in RC biaknak ah zapi nih ceih le buaipimi thil tete a tuah lengmang. Tutan a cauk i a ttialmi zong hi fakpi in an buaipi tthan lai tiah zumh a si i a hleiin Ngeihkhat pawl kong ahhin a si. A chimmi cu:
"Mi pakhat kha Gay si ko hmanh sehlaw, cu nu siloah cu pa nih Pathian kha a kawl i kawl duhnak lungthin a ngeih a si ahcun zeibantuk biaceihnak dah a cungah keimah nih ka tuah khawh? Mah bantuk minung pawl cu lunglawm tein chawnhpiak hna awk an si, i zapi sin in tthen le hnon hna awk an si lo. Ngeihkhat duhnak a ngeimi minung pawl kong hi kan i ruah le kan ceih ding ah ka duh ngaingai. Cu ti kan ti tikah, a pakhatnak ah minung a si, mi zapi sinak le man a ngei. Kan philh lo ding cu kan zate in Pathian nih a sermi le a dawt tukmi kan si, timi hi a si."
Pope nih atu kan vawleipi le kan tonmi thil hna cung ah zangfahnak ngeih a herh zia zong a ttial ee, an ti. A biapi in nihin in ram kip ah kan tonmi ralzaam sinak, mangtaam le umhmun ngei lo in a vaivuanmi hna caah a chim. Kan zate in thil pakhat khat cu kan tuah cio awk a si, tiah fek tein a dirpi.
Ni kum March ah khan atu kan luhmi kum cu zangzahnak caan a si tiah a rak aupi. A cauk thar ahhin a rak chimmi kong cu zeitindah tu kum ah kan hman lai timi a langhter tiah a cauk a let liomi hna nih an chim.
Ziknawh le Eihmuar hi sualnak lakah a sangbik a si, a ti. Eihmuar a hmangmi pawl fakpi in a den hna i Pathian hmai ah hawi hlei fakin biaceih an si lai, zei ca tiah ngaihchihnak ngei lo in an hngalh ko nabu in an tuah i zangzah le zawnruahnak hi an zumh khawh lo caah a si.
"Eihmuar cu tuahsernak a si lo, nain tuah khawhnak (sining) pakhat, minung le zatlangnun ah fawi tein hmuh khawhmi a si. Kan chim tthan rih lai: mi sual dih kan si ko, nain mi tthalo kan si lo." tiah a ttial.
Cc: NRK, NTB
-----------
 |
| foto: vianneyvocations.com |
Atu hi holh phun tampi in leh an thawk cuahmah i "Pathian min cu zangfahnak a si," a ti bantuk in zangfahnak kong a chim ngai i Ngeihkhat (gay) kong zong a chim: Gay pawl hi zapi sin in kan tthen hna awk a si lo, a ti. Pope nih hin a cauk thar ah ah Catholic pawl sin lawng ah biachim lo in biaknak vialte sinah a chim ti a si.
Kum 79 a si cangmi Argentina chuak Pope cu Pope ah an thim thawk in RC biaknak ah zapi nih ceih le buaipimi thil tete a tuah lengmang. Tutan a cauk i a ttialmi zong hi fakpi in an buaipi tthan lai tiah zumh a si i a hleiin Ngeihkhat pawl kong ahhin a si. A chimmi cu:
"Mi pakhat kha Gay si ko hmanh sehlaw, cu nu siloah cu pa nih Pathian kha a kawl i kawl duhnak lungthin a ngeih a si ahcun zeibantuk biaceihnak dah a cungah keimah nih ka tuah khawh? Mah bantuk minung pawl cu lunglawm tein chawnhpiak hna awk an si, i zapi sin in tthen le hnon hna awk an si lo. Ngeihkhat duhnak a ngeimi minung pawl kong hi kan i ruah le kan ceih ding ah ka duh ngaingai. Cu ti kan ti tikah, a pakhatnak ah minung a si, mi zapi sinak le man a ngei. Kan philh lo ding cu kan zate in Pathian nih a sermi le a dawt tukmi kan si, timi hi a si."
Pope nih atu kan vawleipi le kan tonmi thil hna cung ah zangfahnak ngeih a herh zia zong a ttial ee, an ti. A biapi in nihin in ram kip ah kan tonmi ralzaam sinak, mangtaam le umhmun ngei lo in a vaivuanmi hna caah a chim. Kan zate in thil pakhat khat cu kan tuah cio awk a si, tiah fek tein a dirpi.
Ni kum March ah khan atu kan luhmi kum cu zangzahnak caan a si tiah a rak aupi. A cauk thar ahhin a rak chimmi kong cu zeitindah tu kum ah kan hman lai timi a langhter tiah a cauk a let liomi hna nih an chim.
Ziknawh le Eihmuar hi sualnak lakah a sangbik a si, a ti. Eihmuar a hmangmi pawl fakpi in a den hna i Pathian hmai ah hawi hlei fakin biaceih an si lai, zei ca tiah ngaihchihnak ngei lo in an hngalh ko nabu in an tuah i zangzah le zawnruahnak hi an zumh khawh lo caah a si.
"Eihmuar cu tuahsernak a si lo, nain tuah khawhnak (sining) pakhat, minung le zatlangnun ah fawi tein hmuh khawhmi a si. Kan chim tthan rih lai: mi sual dih kan si ko, nain mi tthalo kan si lo." tiah a ttial.
Cc: NRK, NTB
-----------
Comments
Post a Comment