North Korea cu putu rual nih a changchang in ro an i vuih i Kim pathumnak, kum 33 lawng a si rihmi nih a uk lio a si. Kim Jong-un cu a pa a thi i North Korea hruaitu a hon si lio ah vawleicung i ram uktu hna lakah kum nobik a rak si. Switzerland ah kum saupi khua a sa i cacawng a rak si caah cikhatte cu mi tampi nih ram a thlen lai tiah ruahchannak he an rak cuanh. Asinain cu ruahchannak cu 2013 kum ah Kim III nih Atomic bomb in US le a pawngkam ram pawl a tlirhkhonh hna hnu in a rak tlau.
Hika le a hmanthlak kha click law PDF file in Atomic sertu hna le a kong na rel khawh lai.
Nihin ahcun Kim ciocio ah Kim Jong-un i a pa Kim Jong-il hi a hon ngaitu an um. Kim II kha Kim III nakin a nemdeuh ko rua hlah maw tiah an ruah caah a si. Khatlei in Kim III mah tluk a lungtthawng le vawleipi caah a ralven awk in aa tuah hi zeidang nakin a pu le a pa ro, nawlngeihnak (power) le communist thlarau a dawt tuk caah a si tiah ruah khawh ngai a si hnga.
Kum no tuk North Korea communist party le ram hruaitu a hon si lio ah khan South Korea he i rem i an ram thlennak kha a duhtu an rak tam. Cun, a kum a no caah hruainak ah siseh party chung ah nawlngeihnak cuh duhnak tete a um tiah a ruah tikah anmah chungkhat naihniam lila a thah hna i a mizumh le hawikom kha aa kulhter hna. Cu ti a tuah thawng in thlen lei panh lo in a party cu a tthawng chinchin i nihin ah cun Atomic bomb hmang in a ram a uk i vawleipi a dironh ngamtu a hong si cang.
A caan lio a si caah 2013 kum i Atomic bomb in a rak tlirhkhonh hna lio ah ka rak ttialmi capar hi a rel rih lomi caah ka van tar.
Note: PDF in a si caah ka Edit/remh kho ti lo i atanglei ah khan CIA World FACEBOOK ka ti sualmi a um i FACTBOOK titu a si.
Comments
Post a Comment