Bawipa Ka Sin A Um Cu Ka Hngalh Zungzal

Tihin, nitlak a tuan chin lengmang. Europe tthal cu sunglawi ngaiin thlah sian a si hlan ah hnah hring rau in ttilh an i zal. Khuasik a chuak deng manh. Cu bantuk in zei thil hmanh hi a hmunmi an um lo i minung nih kan tthanchonak ding, kan nun khawhnak ding le Bawipa sunparnak langhter khawhnak ding ah ni le thla a liammi chung ahhin kan nung ve. Atu zong sempi unau rual, nu le pa runinn chuah tak in aho laihritlai um lonak tluang dang ah lileng in,...

Zeihmanh nih ka lung an hnem kho lo. Kan runinn ka ngai manh. Sunghno chuan rawl zai pah in ei zong ka ngai manh. Kan innpi i ka naule he i raak len zong ka ngai ko. Innpa chakthlang, hawikom ka ngai manh hna. Hi inn tthingpi, muilak ah i dap lengmang le king ririai in thlavai kiang tuk, hmai thla in cun muihnak nih a chilh lai, ka ti rih.

Sertu Pathian a zummi ka rak si hi kai ngaichih lo. Salm catialtu nih "a thuk bikmi muihnak chung in kal hmanhsehlaw, Bawipa zeihmanh ka ttih lai lo," a timi ka lung ah a chuak tuk i Bawipa nih lam a ka hruai caah pei hi tiang ka phak cu tiah a ka hruaitu hi Salam catialtu nih Bawipa a timi a si ve ko tiah Pathian cu ka lawmh tthan.

Dawtmi hawikom, na lungre theih caan, na lilen caan, na thabat caan le na lungdongh caan ah hnangamnak an pe khotu taktak hi Bawipa a si lo ahcun khua ruat tthan. Bawipa dawtnak a thei cangmi na si ahcun Bawipa kha bawmh hal ko, nangmah bawmh ding ah timh cia a si zungzal.

Culio i na philh lo ding cu, na sinah a um zungzal, nangmah lawng na si hrimhrim lo, timi hi a si.

- BAWIPA nih a ka hruai caah amah cu ka thangtthat, zan ah ka lungthin nih ralrinnak a ka pek. Bawipa ka sinah a um cu ka hngalh zungzal, amah cu keimah he naihte ah a um i zeihmanh nih an ka hnin kho lai lo. ~ ( salm 16:7-8)

Mangtha/chunttha hna ulaw.

Ruahsur bu in BBQ kan tuah lio: Ka nu, ka farnu, ka upa le keimah.

Arendal ka len lio, blindshot!!

Ålesund in ka pa vungte a kan tlawn lio, tutan tthal. 

Norway i Laimi anttam, an kan ttawhmi :)