October thla a chuah hin cun thawngpang a lenbik pakhat a si tawnmi cu Nobel Peace Prize timi daihnak laksawng kong hi a si. Norway ah ka um hnu hin mah kong hi ka rel, ka ttial ttheo tawn. 2012 kum i daihnak laksawng peknak kong ka ttialmi Joel Ling nih a rel tikah ”Muko caah von remh law hon ka kua tthan te.” a ka ti i ka rak kuat. European Union an rak pek hna.
Daihnak timi hi nangmah caah zeidah a si? Keimah caah teh zeidah a si? Sweden miphun Alfred Nobel nih dynamite (a puak khomi phun khat.) a rak ser i phaisa tamtuk a rak hlawh. Mah cu nih raltuk ning/chan a rak thlen. Mah cu dynamite hmang in ral an rak ituk tikah ttih a nung tuk hringhran i Alfred Nobel cu a lung a rak ttha lo tuk ti a si. Cucaah a biakhiahnak a rak tuah i a thih laite a roca chung ah daihnak caah rian a ttuantu hna hi kum tin in upatnak laksawng nan rak pek hna lai, a ti. Nihin ah cun Nobel Peace Prize tiin kan theihmi hi a si.
Cu daihnak laksawng an pek tikah hin minung caah daihnak hi zeidah a si cio hnga, zapi nih a co awk a si ko, timi daihnak laksawng a cotu hi an tlawmte ti a si. Zeiruang ahdah Gandhi hna kha an rak pek hnga lo, an ti. Kanmah chan in zoh ahcun ”Ziah Obama hna hi daihnak laksawng an pek, ral a tu, a kut ah thisen aa neh.” an ti. Cu bantuk tthiam in European Union zong nih daihnak an tuah lomi ziah daihnak laksawng an pek hna, tiah an zai. An lung a tling lo. Daihnak kan rak pom cio ning aa dang dih kho cio.
Alfred Nobel nih a sermi thil nih raltuknak a tthawnter mi ruangah daihnak laksawng cu a chuak. Vawlei i daihnak an tuahmi hmelchunhnak caah Nobel laksawng an pek hna i mah cu minung sining a si. Pathian nih vawlei le a chungchuak minung hna caah daihnak hmelchunhnak a sermi cu a dawt tukmi a fapa in a si. A fa Jesus a chuahka hrim ah vanmi hna nih “a dawtmi hna umnak vawlei ah daihnak le remnak um ko seh.” tiah Luka 2 chung ah an rak chim.
Bible i daihnak kong a kan cawnpiakmi cu Pathian he i remnak hi a si bik. Cuti Pathian he iremnak nih daihnak a kan pek. Rome cakuat ah kan hmuh khawhmi cu sualnak nih Pathian he a kan ralter. Asinain Khrih Jesus cu van in leicung ah a rung ttum i misual vialte caah vailamtung ah a thihnak nih Pathian thinhunnak cu a phenh. Pathian nih a fapa thisen lawng a hmuh cang tikah minung he iremhnak a chuahpi.
Sertu Pathian he a tthami remdaihnak kan ngeihmi hi Jesus nih a za a ti lo. Minung hawi hna he irem lo le ral isernak vialte hi hrawh dih ding ah a kan cawnpiak. Mi cung ah remdaihnak tuah a kan fial (mathai 5). Amah Khrih thawng in minung kan ipehtlaihnak i ttemttawntu thil vialte tei khawh ding a kan cawnpiak i pakhat le pakhat dawt a kan fial.
Daihnak laksawng cu kum tin an pek ko hna in ahodah hnangamnak a hmu? Ahodah lungdai in a um? Jesus hmang in Pathian he remnak kan ngeihmi lawng hi a si lo, Pathian pekmi hnangamnak kan cochih. Zeihmanh kan phan awk a um ti lo, kan herhmi paoh kan umnak hmun in Pathian kan hal kan chawnh khawh cang. Mah bantuk cu leicung thil a si lo.
Tu kum EU daihnak laksawng an pekmi hna lung a tling hrimhrim lo. Hmai kum 2013 ah hodah an pek te lai? Mi tamdeuh lungtlinmi a si lai maw? Daihnak tling a chuahpitu an si te hnga maw? Jesus nih Pathian he remnak a kan serpiak hnu cun kan hna zong a ngam chih. A dongh tiang a kan telpi.
Note: December 2012 ah ka rak ttialmi a si.
Daihnak timi hi nangmah caah zeidah a si? Keimah caah teh zeidah a si? Sweden miphun Alfred Nobel nih dynamite (a puak khomi phun khat.) a rak ser i phaisa tamtuk a rak hlawh. Mah cu nih raltuk ning/chan a rak thlen. Mah cu dynamite hmang in ral an rak ituk tikah ttih a nung tuk hringhran i Alfred Nobel cu a lung a rak ttha lo tuk ti a si. Cucaah a biakhiahnak a rak tuah i a thih laite a roca chung ah daihnak caah rian a ttuantu hna hi kum tin in upatnak laksawng nan rak pek hna lai, a ti. Nihin ah cun Nobel Peace Prize tiin kan theihmi hi a si.
Cu daihnak laksawng an pek tikah hin minung caah daihnak hi zeidah a si cio hnga, zapi nih a co awk a si ko, timi daihnak laksawng a cotu hi an tlawmte ti a si. Zeiruang ahdah Gandhi hna kha an rak pek hnga lo, an ti. Kanmah chan in zoh ahcun ”Ziah Obama hna hi daihnak laksawng an pek, ral a tu, a kut ah thisen aa neh.” an ti. Cu bantuk tthiam in European Union zong nih daihnak an tuah lomi ziah daihnak laksawng an pek hna, tiah an zai. An lung a tling lo. Daihnak kan rak pom cio ning aa dang dih kho cio.
Alfred Nobel nih a sermi thil nih raltuknak a tthawnter mi ruangah daihnak laksawng cu a chuak. Vawlei i daihnak an tuahmi hmelchunhnak caah Nobel laksawng an pek hna i mah cu minung sining a si. Pathian nih vawlei le a chungchuak minung hna caah daihnak hmelchunhnak a sermi cu a dawt tukmi a fapa in a si. A fa Jesus a chuahka hrim ah vanmi hna nih “a dawtmi hna umnak vawlei ah daihnak le remnak um ko seh.” tiah Luka 2 chung ah an rak chim.
Bible i daihnak kong a kan cawnpiakmi cu Pathian he i remnak hi a si bik. Cuti Pathian he iremnak nih daihnak a kan pek. Rome cakuat ah kan hmuh khawhmi cu sualnak nih Pathian he a kan ralter. Asinain Khrih Jesus cu van in leicung ah a rung ttum i misual vialte caah vailamtung ah a thihnak nih Pathian thinhunnak cu a phenh. Pathian nih a fapa thisen lawng a hmuh cang tikah minung he iremhnak a chuahpi.
Sertu Pathian he a tthami remdaihnak kan ngeihmi hi Jesus nih a za a ti lo. Minung hawi hna he irem lo le ral isernak vialte hi hrawh dih ding ah a kan cawnpiak. Mi cung ah remdaihnak tuah a kan fial (mathai 5). Amah Khrih thawng in minung kan ipehtlaihnak i ttemttawntu thil vialte tei khawh ding a kan cawnpiak i pakhat le pakhat dawt a kan fial.
Daihnak laksawng cu kum tin an pek ko hna in ahodah hnangamnak a hmu? Ahodah lungdai in a um? Jesus hmang in Pathian he remnak kan ngeihmi lawng hi a si lo, Pathian pekmi hnangamnak kan cochih. Zeihmanh kan phan awk a um ti lo, kan herhmi paoh kan umnak hmun in Pathian kan hal kan chawnh khawh cang. Mah bantuk cu leicung thil a si lo.
Tu kum EU daihnak laksawng an pekmi hna lung a tling hrimhrim lo. Hmai kum 2013 ah hodah an pek te lai? Mi tamdeuh lungtlinmi a si lai maw? Daihnak tling a chuahpitu an si te hnga maw? Jesus nih Pathian he remnak a kan serpiak hnu cun kan hna zong a ngam chih. A dongh tiang a kan telpi.
Note: December 2012 ah ka rak ttialmi a si.
Comments
Post a Comment