Mah hi tonnak ah ram sarih in hruaitu an itel i cu ram hna cu: the Philippines, Myanmar, Republic of Palau, Bangladesh, Pakistan, Indonesia le East Timor an si. An ram kong, an tonmi harnak buainak le daihnak kong i an hmuhton i ruahnak caan an ngei hna.
Myanmar Pu Henry Van Tthio nih tthanchonak taktak hi daihnak a um lo ahcun thlua chuah khawh a si loning le Myanmar le Asia-pacific ah daihnak um a herhning a chim. Myanmar cozah nih ram chung hriamtlai phu hna he buainak a dih khawh nakding fakpi in aa zuam kong bia donghnak ah a chim.
"Myanmar cu biaknak tampi a cawh, cun miphun a fa in a ngan tiang hriamtlaih buainak tuanbia saupi a ngeimi kan si. Atu cozah hi daihnak a um khawh nakding, le rampi remdaihnak caah ttuanvo a ngeimi a si," tiah Vice president Pu Van Tthio nih a chim.
"Atu cozah nih aa hmaithlakmi cu remdaihnak tthawnter le hriamtlai phu hna he buainak dihter hi a si."
RELCHAP: 2015 Thimnak Hi Chin Parties Caah Ramkhel Kong Cawnnak A Si
Mah cu hnu ah Cambodia Prime Minister Hun Sen he pumpak biaruahnak saupi an ngei tiah an ram thawngca Phnompenhpost nih a ttial.
Comments
Post a Comment