Princess Martha Louise nih "Ka tlangval a simi cu mi thluachuak pakhat ah kaa ruah i kaa lawm tuk. Ka dawt, na cung ah kaa lawm, nan chungkhar ah na ka telh caah. Atu in hmailei pi tiang kan dawt ee." tiah an pahnih hmanthlak cu a tar.
"Durek nih hin kan vawlei ah a dong kho lomi dawtnak a um ko timi a ka hngalhter. Tihnak um lo in le lungaw ttawm lo tein a ka hlawm." tiah a chim.
Istagram i an thawngpang hnu in Norway mi vialte nih an hun theih i Norway talk-show ah minthang bik pawl a simi Skvalan-Show nih interview a tuah hna. Cucu TV2 ah zoh khawh a si.
Martha Louise kong tawi:
 |
| Martha le a pasal tthing Ari, an fale an rak i nuamh lio. Foto: nrk/seoghør/tv2 |
1.) Martha Louise cu kum 47 a si. Norway siangpahrang Harald le Sonja i an fa upabik a si. 2002 ah Norway i catial thiam minthang Ari Behn he an i um i fa pathum an ngeih hna.
2.) 2016 ah Ari Behn he an i tthen, i an fale cu aa ruang in zohkhenh ding in bia an i tiam.
3.) Norway siangpahrang te chung tuanbia 200 chung ah aa tthen hmasabik a si.
4.) Martha cu siangpahrang fa upabik a si nain nu a si caah le Norway siangpahrang phung thar ning ah 1990 kum hlan i a chuakmi nu cu siangpahrang a si kho lo i a tta pa lawng ro cotu a si lai. Cucu 1990 kum i Norway phunghram an thlening in a kalmi a si.
5.) 2003 thawk in Norway ah cun siangpahrang chung (Royal Highness) sinak kha a hlawt i Norway ah Princess tibantuk min kep (title) in auh le siangpahrang chung sinak in chawnhbiak a si ti lo. Sihmanhsehlaw, ram leng ahcun siangpahrang fanu a sinak a tlau lem lo i "your highness" tiah an auh khawh rih ko.
Martha hi catial thiam ngai zong a si i a pasal hlun Ari he cauk zong an rak chuah tti bal.
Foto: Martha Louise & Shamandurek's Instragram/ TV2
Comments
Post a Comment