Party Tanhnak Um Lo Bia Kan Ceih Lai Tiah Biakamnak An Tuah

Senator vialte nih president Donald Trump sualphawtnak cu party ttanhnak ngei lo tein bia kan ceih ko lai tiah Supreme Court Justice /Chief Justice of the United States John Roberts hmai ah nilini ah khan dir in biakamhnak an tuah lio a si. Foto: AP

Nithumni ah khan Trump sualphawtu House of Representatives nih an president biaceih ding in sual an phawtnak biatung cu Senate ah an rak chuahpi.

Chief-juctice John Roberts nih "Senator vialte tho dih u law, dir u, cun nan orhlei kut kha nan thlir kho lai maw?" tiah a hal hna. Cun hi biaceihnak hi USA phunghrampi he pehtlai lawng in, party ttanhnak um lo tein kan tuah ko lai tiah lungtlinnak an ngei dih.

Cu ti a si caah a ralaimi nihnih-ni khin Trump biaceih cu thawk ding in timhlamh a si cang. Senator 100 hi biaceihtu le biakhiaktu an si. Trump party minung an tamdeuh.

"A rannak in lim zok i hi kong cu dih colh sehlaw a ttha." tiah president nih a chim.

Donald Trump cu USA tuanbia ah a pathumnak Impeach an tuahmi president a si.

President Impeach Ning A Dotdot In Zoh Usih