UFC Minngei Aa Khawnning A Fak Ngai (Highlight)

(Atang ah video) Nai zarhte zan i Washintong DC ah UFC i a minthang ngaimi Alistair Overeem cu Jairzinho Rozenstruik nih fak ngai in a phomh i puai a dih hlan ah an ngolter hna. Yahoo Sports nih a ttialning ah Rozenstruik nih a tei ko bu ah Overeem kut tlaih a duh lo.

Overeem cu Netherlands a si i kum 39 a si cang. Amah nih tei te lai tiah ruah a si liote ah Rozenstruik nih remtuk in a khen caah atu bantuk in a sungh le a tleh hi a si.

A hmur cunglei zohchia ngaiin a tleh ruang ah an i thuatmi cu an ngolter hna. An lawi tlawmpal ah Overeem nih Twitter ah tihin a ttial:

"Kan tthit cang. Ka hmur cu zoh a chia ngai ko rih.... kan i thonghmi kong ka hal ulaw cu tuantuk ah a kan ngolter ka ti hnga. Asinain a zoh nuam tiah nan ruah lai ka zumh ko."

Amah le mah "The Demolition Man" aa ti i UFC voi 45 teinak a hmu i voi 18 a sungmi a si.

WPC Nih A Paih Aa Dawh Ruang Ah An Sawmmi Van Lian Ceu