USA vs. Iran: Ralpi Pathumnak Chuahter Ding Iranian Hulk

Zarhpini ah khan "Bare Knuckle Fighting Championship" organization nih Iran pa lian Sajjad Gharibi (27), Iranian Hulk tiah an theihbikmi cu 2020 thawkka hrawng ah kutro (kut ah zei hmanh i denh lo) in thonghnak ah aa tel lai tiah thawng an thanh.

– Mah hi i thonghnak Show cu "USA vs. Iran: ralpi pathumnak" tiah a min kan pek lai tiah BKFC boss David Feldman nih a chim.

Sajjad Gharibi cu a tung 188 cm sang, i Kg 178 hrawng a rit. A pum a ngan tuk ruang ah Internet ah a min thangmi a si i 2016 ah khan Syria ah ka kal lai i ISIS ka phomh hna lai tiah a rak chim ruang ah Instagram ah zultu 450000 a ngei, i hi thawngpang hnu in an karh lai tiah ruah a si.

David chimnak ah hi pa hi "Bare Knuckle Fighting Championship" tuanbia ah a man tambik in minthutmi (lakmi) a si.  Cucaah a sin in mah Organization nih phaisa siseh a pumpak teinak a hmuhding tampi an i ruahchan kong zong David Feldman nih a chim.

"Bare Knuckle Fighting Championship" ah cun aa thongmi hna hi kuttum bak lawng, zeihmanh i denh lo in an i thong. Boxing aa thawknak cu a si nain vawleicung ah phungning in onhnak ram tlawmte lawng a si.

Iran Hulk Gharibi hi aho he dah an i thongh te lai ti hngalh a si rih lo nain American pakhat he paoh an i tong lai ti cu a fiang.

2020 hlan ah Brasil pa Romario dos Santos Alves he an i thong lai tiah rak khaan a si nain Romario nih july ah khan a leettak. Iran Hulk cu a thin a rak hung ngai tiah media nih an ttial. (hmanthlak hi Brasil pa Romario le Iranian hulk cu an si.)

Cc: MMA Fighting