Ronaldo Nih IRAN Pa A Tei Kho Lai Maw?

Ronaldo cu Juventus ah a duhning in a ke hmang kho lo nain a ram caah cun goal a hun senh tthan cang.

RELCHAP: FIFA Best & Ballon  d'Or aa dannak

Zahan i Portugal vs Lithuania (6-0) an chuih lio ah Ronaldo nih goal thum a senh i ram caah 98nak a si cang. Puai 163 a chuih.

Ram caah goal tambik a suttu Iran pa Ali Daei hi Ronaldo nih a lonh kho lai maw, ti biahalnak cu zahan Hat-trick a sut khan a hun chuak.

Iran pa Ali hi kum 50 a si i a ram caah goal 109 a sut. Ronaldo nih rikawt vialte ttial a duh i atu ning a si cun a lonh khawh lai tiah Experts nih an ruah. Atu cu amah hi pahnihnak a si.

Ram caah goal tambik sut pathumnak cu Hungary pa Ferenc Puska a si i goal 84 a ngei.

Lionel Messi cu Argentina caah puai 136 a chuih i goal 68 in ram caah a sut tambik 18.nak a si.