Tulio ah cun hlasak thiam Kanye West hi vawleicung Khrifa sin le social media ah chimrel a tong ngaingai. Khrih a cohlan ning le a zahpi loning kha minthang pakhat nih a hun aupi tikah aa thupmi zumtu tampi an hun i langh ngam, i zum lotu tampi zong an lung a lak khawh ngai hna tiah chim ceih a si.
Aa thawknak cu Kanye West Sunday Service in a si i naite ah "Jesus is King" timi album zong a chuah.
Mah cu album an tuah pah ah cun a rianttuan tti hawi nupi/pasal a ngei rih lomi mino pawl kha Sex tuah lo ding in a chimh tawn hna tiah CNN le Beats 1 nih intervip an tuahmi ah rel khawh a si.
"Mah hi album kan tuah pah ah tthit-um hlan Sex tuah lo ding in ka chimh hna hi a um lengmang. Cun a leng i bia ka chim zong ah tthit-um hlan Sex tuah hlah u, tiah ka chim ttheo," tiah Kanye West nih intervio ah cun a chim.
RELCHAP: Marilyn Monroe he an tahchunmi Kim Kardashian
Kanye West hi hlasak minthang a si hlan ah dawr a hngakmi a rak si. Cun a nupi Kim Kardashian hi nuthlawi a rak si lawng si loin, Sex-tape in a min thangmi a si. Asinain atu tiang fa an ngeih hnu ah i tthen lo tein a umpi rih.
"Hmun khat te thlacam ttimi cu um tti khawh a si ti cu zapi theih a si. Hmun khat thlacam ttinak nih tthawnnak zong a karhter," tiah intervio ah a chim.
Kanye West hi Porn rimi Sex-video/hmanthlak pawl nih a rak lemtuk ve. Kum nga a si in USA i a minthang mi Playboy-mekazin (nu taklawng, pa taklawng hmanthlak tampi umnak) a pa relmi kha a thli tein a rak zoh cang. Mah cu thawk cun Sex hi a rak theih.
"Kum nga ka si lio i ka rak zohmi Playboy-mekazin cu ka nunnak ah ka rak i tthanpi i a ka lemmi cu hlonh le ngol ding ah caan tam tuk ka pek, ka rak i zuam," tiah a chim.
Facebook Page ah fawite in Thawngpang rel na duh cun LIKE & Follow
CNN, Foto: Foto: Jennifer Graylock / EMPICS Entertainment
Comments
Post a Comment