USA Mega-million Pohtu le A Chuakmi Number

American pawl cu Mega-million lottery an van on cun thaw chuah le dawp a philhmi an tam ko lai. Asinain mi vanttha pakhat lawng nih 1.6 billion cu a co diam tiah Sky News nih a hun ttial.

USA lottery tuanbia ah a tambik a si. 2016 kha 2billion hrawng jackpot a rak si nain minung pathum nih an rak poh.

Tutan hi California ah hin cawn nilini kha seconde pakhat ah Lott-200 ci in an rak manh tiah AP nih a ttial, i cawn ningani kha minute pakhat ah 9100 ci in an manh ti a si. Virginia ah cun cawn ningani in nihnih zan tiang ah khan $19 million man an zuar.

A pohtu cu South Carolina ummi a si. 5, 28, 62, 65, 70 le Mega Ball 5 hi a pohnak number a si. 

Aa thim haumi a um rih.
Voi khat lopi ah a pohmi 1billion hi aa lak colh a si ahcun Tax a pek a herh. Mah cu maw a duh lai, kum 30 chung kum tin a bank ah 1billion a tlin tiang TAX pek lo in rawn piak dah aa thiam lai? Kum tin rawnpiak a duh ahcun voikhat lo i a lakmi nakin tamdeuh a lut lai tiah AP nih a ttial.

Minung pakhat lawng (a chungle maw, a hawi he an cawk lo ahcun) a pohtu a si ahcun Forbes mekazin ah a rumbik 1,477nak a si colh lai.

TC Page hi Facebook a ngeimi nih Like le Follow tuah ve law fawite in thawngpang le ca na rel kho lai: 


Cc: Sky news