Avoi hnihnak NLD party Congress cu june 23-24 tiang an tuah i tluangte in kan lim cang tiah MP Pu Bawi Khing nih an party Congress he pehtlai in cakuat a ka leh. (Foto: 2016 NLD Baho meeting ah Chin State in a kaimi hna le U Tin Oo. Pu Zo Bawi facebook/ Private)
NLD party Congress onnak ah Rakhine State Chief Minister, U Nyi Pu nih "Kan party chung ah lung i khah lonak a um zong ah rammi caah a tthabikmi zoh le ruah ding a pakhatnak ah chiah ding a si." tiah a chimmi kong ah NLD chung zeibantuk lung ikhah lonak le buainak dah a um hnga timi lunghrinh a si. Asinain MP pu Bawi Khing nih hi kong ah zeihmanh a chim lo.
 |
| MP Bawi Khing. Foto: Private/facebook |
Teirialcatialtu Facebook page ah kan rak ttial cang bantuk in NLD nih CEC chungtel thar 42 thimnak a tuah. Hi chung ah tlangcungmi pawl zong a thim chih hna. Asinain Chin State in aa telmi an um rua lo, Pu Zo Bawi lawng hi Part-time in CEC chungtel a si, tiah MP Bawi Khing nih a chim.
Politician Cu Lungtthawn A Herh, timi na rel cang maw?
NLD Central Committee (CC) belte ah Pu Bawi Khing, pu Huat Chum, Pu MyoTheih le Pu Zo Bawi cu chuungtel an si i Aung Than zong Part-time CC chungtel a si ve tiah Chinmi NLD party chung an dirhmun theih a si.
Vice president Henry Van Tthio cu NLD party chung CEC le CC ah chungtel a si lo, tiah theih a si. Amah hi 2015 thimnak luh lai hrawng lawng in NLD chungtel hi a rak si caah a si kho tiah ruah a si.
Daw Aung San Suu Kyi cu an party Chairman a si si ko. Nain tutan Congress ah a telpi kho hna lo.
NLD nih 2015 thimnak an bia tlaih a simi Phunghram remhnak kong ah Vice Chairman nih cun "a daibik le a nembik in thlen khawh ding kan i zuam ko lai." tiah Congress a dih hnu press-conference ah a chim.
Share. Facebook ngeimi nih Teirialcatialtu Page hi rak Like ve law news rel ve.
Comments
Post a Comment