American nih North Korea ah "Libya Model" ka hman lai a ti i North Korea nih mihrut ah maw na kan ruah, Atom-power ciocio tiah pet ko in a leh tikah hin Libya Model cu zeidah a si timi van zoh tuah hna u sih.
May 24 Korea caan ah North Korea nih Atom-program a hrawh i Journalist le zohfeltu nih an telpi. Cu ni theng ah cun Trump nih a tanglei bantuk hin June 12. Singapore tonnak cu a leet.
Libya:
Dictator a simi Muammar Gaddafi cu chan thar ralhrang pakhat a rak si. Vanlawng a rak puah, ralhrang tha a rak pek. Atom-program a rak thawk i ser khawh aa zuam. Vawleicung Muslim pawl karh khawh nakding le Vawlei uktu si khawh nakding a forh hna. 2000 kum hlante ah a rak chimmi cu tu hnu kum 30 ah Europe hi Muslim le anmah rammi an i zat te lai ti a si. Kum 20 a tlin hlan ah Europe ah zeidah a cang timi nan theih.
Asinain ruah lopi in a lung aa thleng. A ram ah journalist le ram dang pawl a luh ter hna. Mah ti cun Libya Model cu a chuak:
- 2003 December ah Dictator le Libya uktu Muammar Gaddafi nih Vawleipi theih in atom-program ka hrawh cang lai tiah thawng a rak thanh. International hlathlaitu le mi ngiatu a sawm hna. A chimmi a tuah tak le tuah tak lo zoh ding in Journalist zong a rak sawm hna. - Mah ti a tuahmi cu international ah an hremmi le aa tel khawh lomi ruangah a si i international ah i thlak le an hremnak in luat a duh caah a si tiah an rak ruah ko.
- Arms Control Association nih an chimning ah cuti ka hrawh dih lai tiah bia a chim tlawmpal ah atom- le chemical hriam pawl cu a rak chiah dih tak ko.
- Mah ti a si caah USA nih Libya ah ram dang bantuk in Embassy hna a chuah, mifim pawl a thlah hna i zalong ngai in rian a hun ttuan kho. Kum 20 chung ah avoi khatnak USA diplomats duh paoh in an umkal khawh a rak si.
- Nitlak ram pawl le US he zalong ngaiin an hun i tong, an i chawn ko nain Gaddafi cu duhsah tein an erh, a chaak a rak tlaih khawh. 2011 ah khan NATO-hruainak in Libya cu Vanlawng-bomb in an thlak hmasa i zohchia ngai in amah zong an rak thah. Mah ti a cannak hi uknak thlah a duh lo caah le amah a dotu phu kha ka hrawh hna lai tiah aa hrocer caah a si, tiah cun an chim.
A letter from the President to Chairman Kim Jong Un: "It is inappropriate, at this time, to have this long-planned meeting." pic.twitter.com/3dDIp55xu1— The White House (@WhiteHouse) 24. mai 2018
North Korea zong hi duhsah tein komh i Libya bantuk in kan tuah hau ko tiah Trump ruahnak petu le Vicepreident nih an ruahnak an langhter caah North Korea nih atu bantuk in tonnak i leet ding, a herh cun hlan bantuk in i er tthan ding zong an ruah hi a si.
Kim Jong-un nih hin Nuclear/ Atom-bomb hi a ngeih cang. Mah hihi a pennak fehternak ding ah a rak ser vemi a si i Atom-hriam a ngei tiah theih komi kha duhpaoh in va ti khawh a si ti lo. Caan cu rauh rih dawh a si.
 |
Kim Nih Atom-hriam In A Pennak Fehter Aa Zuam |
Comments
Post a Comment