Champions League group a puai thumnak cu tu zarh ah an lim cang. A zoh kho lomi hna caah goal an sutmi a zate in a tang Youtube Video ah khin zoh khawh a si. Cu hlan ah Olympiakos le Barcelona an chuih lio ah Messi nih a hmawza i aa chiahmi sii pum a laak i a eimi kong cu media ah an ceih ngai.
Minit pakua an chuih ah a si i Messi nih a hmawza chung ah a rak thuhmi sii pumpkhat cu a chuah i a ei. Cucu TV i a hmumi pawl nih zeidah a si hnga Social Media ah an i al len hna. Tu chun ah khan Spain thawngca Sport nih zei a si kan hngalh ko tiah an chim.
 |
| Messi nih sii aa chuah i a einak. Foto: Viaset/tv2 |
Messi nih a eimi sii pum cu Glucose timi a si tiah Sport nih a ttial i mah bantuk sii hi cu bawlung a chuihmi le a dang zanglek aa celhmi paoh nih an eimi a si ko a ti. A pum i a thlummi a kai lonak ding le an thazang a tlaak lo nak ding caah an eimi a si.
A sining ah cun chuih an thawk hlan thi lumnak an tuah lio le an chuih hlan minit 15 ah an ei tawnmi a si nain Messi nih an chuih hnu minit pakua ah a ei ruangah zeitluk indah rian a ttuan timi a ruahter hna.
A fiangmi cu mah sii hi ritsii asiloah zanglek aa celhmi pawl nih tawngh lo ding an timi sii phun ah aa tello.
A fiangmi cu mah sii hi ritsii asiloah zanglek aa celhmi pawl nih tawngh lo ding an timi sii phun ah aa tello.
100nak A Si.
Olympiakos he an chuih lio i Messi nih a ei ruangah zeitluk in rian a ttuan ti hngalh a si lo nain Free-kicks in minit 61 ah a goal i Barcelona nih 3-1 in an tei. Champions League ah goal 100nk a sut a si i mah hi puai 122 ah a goalmi a si.
Tu zarh Champions League goal dihlak:
Comments
Post a Comment