 |
| Daniel Carvajal le Messi voi tam nawn an i cil rih lai. Foto: Bleacher Report |
September 18. 2017 ah Real Madrid hnukham Daniel Carvajal nih 2022 tiang atu a umnak Club ah um ding in min thar a ttial. Kum 25 a simi Carvajal hi Real Madrid caah a biapi ngaimi a si nain La Liga ah a thiambik cu a si lo.
Nain a man cu van a tawng deng.
Carvajal cawk a duhmi cun Neymar (PSG nih an rawt bantuk kha) bantuk in cawk ding (buy-out clause) a si lai i man cu 350 million Euro a si. Neymar kha 222.million Euro a si i a tamtuk an ti cio. A sullam cu caw kho hna hlah seh ti kha a si ko.
Relchih: Sport News
Barcelona hmaikal Messi cu August ah khan a man 300.million Euro (buyout clause) a si.
"Buy-out Clause a sang tuk ruang ah hohmanh nih ka laa kho ti lai lo. Cun hi Club kaltak zong ka duh lo." tiah Spain le Real Madrid hnukham Carvajal nih min a thut khawh in Goal.com ah a chim.
But-out Clause cu Club dang pakhat nih Barcelona asiloah Real Madrid minung kha cawk an duh nain Club nih zuar an siang lo, nain cu a chuihmi pa nih kal a duh peng ko a si ahcun min a thut lio i buy-out clause man kha an chuah a herh (tahchunnak fawibik cu Neymar kha a si.).
Relchih: Messi le Ronaldo Man
A tang ahhin ESPN nih bawlung chuihthiam man fakbik (but-out clause) timi 10 aa phuanmi zoh chih. € = Euro
Vawleicung man fakbik bawlung chuihthiam hi ESPN ning in Real Madrid an si ngawt. England ah atu Spain i an hmanmi Buy-out Clause hi an hmang rih lo.
10. Lionel Messi (Barcelona) € 300millon
09. Toni Kroos (Real Madrid/RM) € 300million
08. Carvajal (RM) € 350million
07. Marco Asensio (RM) € 350million
06. Dani Ceballos (RM) € 500milion
05. Luka Modric (RM) € 500million
04. Greath Bale (RM) € 500million
03. Isco (RM) € 700million
02. Karim Benzema (RM) € 1billion
01. Ronaldo (RM) € 1billion
Copy chiat!:P
Comments
Post a Comment