Arsenal in thawk usih. Premier League an thawk a ttha lo, zarhpini kha Liverpool nih 4-0 in an tlunter hna. Champions League ah an i telti lo hnu in Alexis Sanchez le Ozil cu mi hmai an khap lo ngai rua, Arsenal zamtak rumro an i zuam. Asinain Sanchez tu cu Manchester City ah zuar dawh in bia a hong chuak.
Arsenal nih zuar an duh rih lo nain Sanchez nih kal a duhnak a langhter tuk cang. An ram Training tuah lio hmanh ah amah pumpak duhherh ruang ah tuante in a ngol ti a si. City nih an halnak hna man £50m cu a tam caah Arsenal nih zuar a hau ding in a um caah Sanchez nan duh ahcun Aguero he kan i thleng lai an ti ve hna.
Chamberlain cu Chelsea ah an zuar cang. AC Milan nih an hnukham Mustafi man tamngai in an hal hna. Ozil cu Dortmund nih kan sin ah ra law Champions League na chuih kho lai tiah an leem cuahmah. CPL chuih khawh lo cang ahcun an mithiam pawl tlaih cu a har ko lai.
 |
| Mbappe cu PSG nih an i hlan i amah ai ah Jovetic an cawk. foto: tv2/scanpix |
Diego Costa kong ah Chelsea le Atletico Madrid hnatlaknak an ngei kho, January in Atletico Madrid caah a chuih kho cang lai tiah Mirror nih a ttial. Hazard te unau an pathum ning in Chelsea FC ah an um cang. Chelsea nih Everton chuihmi Ross Barkley cu £25m. in an hal hna. Everton ah min a thut chap duh lo caah a kal te lai tiah zumh a si.
Tottenham hi Premier League Title aa cuh ding ah zumh ngaimi an si. Nain an vanchia. Tulio cu hi Stadium an ngei lo. Wembley Stadium hi an Stadium an lim hlan cu an i hlaan lai. Wembley i an chuih paoh ah Tottenham hmaikal Harry Kane khi goal a sut kho lo ti a si. Zoh ulaw, atu August chung vialte Kane nih goal a sut kho lo.
Cu vial si rih seh. Share piak nan hmang ttung lo. :P
Comments
Post a Comment