"Nihin Bawlung Biathli" tiin Bawlung thawngpang ka rak ttial tawnmi ka ttial tthan. Bawlung a chuih i a zoh pahmi nih cun nan rel duh lai tiah ruahchannak ka ngei. Ttial colh ko ning law:
Monaco hmaikal Kylian Mbappe cu PSG nih 190 million Euro in cawk an timh nain Mbappe pa aa sawhkalh tuk caah Monaco nih PSG ah zuar lo in a dang Club ah kan zuar lai an ti. Hi pa a caw kho ding cu Real Madrid le Barcelona hi an si ko lai, nain Barcelona nih an herh lo. Independent ning ah Real Madrid ah kal a duhnak a langhter. Monaco nih an hauh zah an pek khawh hna ahcun August thla dih hlan ah an zuar lai.
Chelsea FC caah ruahchannak a um. Conte nih a minung Club dang ah a kalter ngawt hna hnu ah mi thar cawk ding in Chelsea ngeitu a hal lengmang nain Morata le a dang pathum pin a rak cawk piak duh lo. Premier League an hon thawk ciammam cu Burnley nih 3-2 in August 12. ah khan an tei hna. Mi an cawk chap lo cun a si kho lo ti an i fiang. Leichester City nih an i bochanmi Danny Drinkwater khi cawk an hal hna, cun Inter ah a chuihmi Antonio Candreva zong an zoh chih. Costa he an i rem ding an duh, nain an i rem kho lo. Tam tuk man cu an cawk piak hlei hnik ve lo!
Tottenham he zarhpini (20.08) ah an i cil lai, i Morata zoh a nuam lai tiah ka zumh.
Tottenham nih tthaal chung vialte mi caw lo in a ngiat tu in an rak ngiat hna. Walker an zuar hnu in hnukham a tthami an herh caah Ajex a chanhtu hna a simi an "Fullback" Davinson Sanchez cu Tottenham tuanbia ah manfak bik in an cawk. Guardian ttialning ah hnukham dang pakhat man dengte in cawk an i tim rih. Hmaikal cawk an i tim ti lo.
Barcelona nih Coutinho cu changreu an terh i an leem tuk cang i Liverpool an thinhung ngai ti a si. Zeirello phun khat a si. An zuar sian lo caah Barcelona nih mi dang an zoh. Nice i a chuihmi Jean Seri le PSG i a chuihmi Real Madrid ralkap hlun Angel Di Maria hi cawk ding in an hal ve hna. Barcelona nih August 31. hlan ah Neymar airawl an cawk khawh lo a si ahcun Barcelona cu "Harsakone" ti an si te kho. Barcelona caah ruahchannak pakhat cu Ozil nih Arsenal chuah tak in Barca ah kal a duhmi hi a si.
Coutinho an thlauh khawh lo i Barcelona ah kal ding a si ahcun Liverpool nih Barcelona alaikal Ivan Rakitic cawk ding in an i tim ve.
Manchester United nih David De Gea hi zuar kan sian ko, nain kan zuarnak ding a lam pakhat lawng a um, an ti. The Sun nih a ttialning ah AC Milan goal-bawh (Italy ah Buffon chawngte ding) Gianluigi Donnarumma an cawk khawh paoh a si ahcun De Gea cu an zuar lai. The Sun nih a ttialmi tthiam ah Chelsea in Matic an cawk hnu in Fellaini cu United in a kal ding a fiang i Juventus nih an duh pah ti a si.
Manchester City hi phaisa a hman tuk nain United nih an hlonhmi Jonny Evans kha West Bromwich in lak an duh tiah The Times nih a ttial. Kum 29 a si cang. City hi duktthat ngai dawh an lo.
London Club minngei a si vemi West Ham cu tu kum fakdeuh in an i zuam hnik ve. Mi thar tampi an lak hna. Atu zong hnukham an herh caah William Calvalho cu tthaal chung bawlung chawdawr caan a dih hlan ah kap hnih lungtlinnak ngei ding an i zuam cuahmah tiah The Telegraph nih a ttial.
A donghnak ah: Neymar an cawk hnu in PSG kehlei hmaikal Julian Draxler (german) hmunhma a ngei lai lo i zuar a hau te lai tiah Club cheukhat nih an rak bawhmi cu PSG nih an zuar siang lo tiah ESPN ah an ttial. Draxler cu PSG a kal hlan ah Arsenal le Liverpool nih namsawh ngamh deng tiang in an rak i cuh!!!
Cuvial. Nan hawile sinah Share tawn ulaw kai lawm ko hnga, rel cio hna seh :)
 |
| France le Monaco hmaikal, leicung bawlungchuih thiam manfak bik Mbappe. SkySport |
Monaco hmaikal Kylian Mbappe cu PSG nih 190 million Euro in cawk an timh nain Mbappe pa aa sawhkalh tuk caah Monaco nih PSG ah zuar lo in a dang Club ah kan zuar lai an ti. Hi pa a caw kho ding cu Real Madrid le Barcelona hi an si ko lai, nain Barcelona nih an herh lo. Independent ning ah Real Madrid ah kal a duhnak a langhter. Monaco nih an hauh zah an pek khawh hna ahcun August thla dih hlan ah an zuar lai.
Chelsea FC caah ruahchannak a um. Conte nih a minung Club dang ah a kalter ngawt hna hnu ah mi thar cawk ding in Chelsea ngeitu a hal lengmang nain Morata le a dang pathum pin a rak cawk piak duh lo. Premier League an hon thawk ciammam cu Burnley nih 3-2 in August 12. ah khan an tei hna. Mi an cawk chap lo cun a si kho lo ti an i fiang. Leichester City nih an i bochanmi Danny Drinkwater khi cawk an hal hna, cun Inter ah a chuihmi Antonio Candreva zong an zoh chih. Costa he an i rem ding an duh, nain an i rem kho lo. Tam tuk man cu an cawk piak hlei hnik ve lo!
Tottenham he zarhpini (20.08) ah an i cil lai, i Morata zoh a nuam lai tiah ka zumh.
Tottenham nih tthaal chung vialte mi caw lo in a ngiat tu in an rak ngiat hna. Walker an zuar hnu in hnukham a tthami an herh caah Ajex a chanhtu hna a simi an "Fullback" Davinson Sanchez cu Tottenham tuanbia ah manfak bik in an cawk. Guardian ttialning ah hnukham dang pakhat man dengte in cawk an i tim rih. Hmaikal cawk an i tim ti lo.
Barcelona nih Coutinho cu changreu an terh i an leem tuk cang i Liverpool an thinhung ngai ti a si. Zeirello phun khat a si. An zuar sian lo caah Barcelona nih mi dang an zoh. Nice i a chuihmi Jean Seri le PSG i a chuihmi Real Madrid ralkap hlun Angel Di Maria hi cawk ding in an hal ve hna. Barcelona nih August 31. hlan ah Neymar airawl an cawk khawh lo a si ahcun Barcelona cu "Harsakone" ti an si te kho. Barcelona caah ruahchannak pakhat cu Ozil nih Arsenal chuah tak in Barca ah kal a duhmi hi a si.
Coutinho an thlauh khawh lo i Barcelona ah kal ding a si ahcun Liverpool nih Barcelona alaikal Ivan Rakitic cawk ding in an i tim ve.
 |
| Tulio mino ah goalbawh thiambik veve. Express |
Manchester United nih David De Gea hi zuar kan sian ko, nain kan zuarnak ding a lam pakhat lawng a um, an ti. The Sun nih a ttialning ah AC Milan goal-bawh (Italy ah Buffon chawngte ding) Gianluigi Donnarumma an cawk khawh paoh a si ahcun De Gea cu an zuar lai. The Sun nih a ttialmi tthiam ah Chelsea in Matic an cawk hnu in Fellaini cu United in a kal ding a fiang i Juventus nih an duh pah ti a si.
Manchester City hi phaisa a hman tuk nain United nih an hlonhmi Jonny Evans kha West Bromwich in lak an duh tiah The Times nih a ttial. Kum 29 a si cang. City hi duktthat ngai dawh an lo.
London Club minngei a si vemi West Ham cu tu kum fakdeuh in an i zuam hnik ve. Mi thar tampi an lak hna. Atu zong hnukham an herh caah William Calvalho cu tthaal chung bawlung chawdawr caan a dih hlan ah kap hnih lungtlinnak ngei ding an i zuam cuahmah tiah The Telegraph nih a ttial.
A donghnak ah: Neymar an cawk hnu in PSG kehlei hmaikal Julian Draxler (german) hmunhma a ngei lai lo i zuar a hau te lai tiah Club cheukhat nih an rak bawhmi cu PSG nih an zuar siang lo tiah ESPN ah an ttial. Draxler cu PSG a kal hlan ah Arsenal le Liverpool nih namsawh ngamh deng tiang in an rak i cuh!!!
Cuvial. Nan hawile sinah Share tawn ulaw kai lawm ko hnga, rel cio hna seh :)
Comments
Post a Comment