Jesus a ra tthan hrimhrim lai ti cu ka zumh. A rat tikah cun Vawlei hi atu bantuk a si te lai lo ti zong ka zumh. Asinain Jesus a rat tthan ding ni le caan cu honih dah a hngalh? Zeibantuk cauk ah dah aa ttial? Hodah a chimh ta?
Pa Pathian lawng nih a hngalh. Mifir bantuk in zeitik a rat lai hngal a si lomi ti cu Bible ah hmuh khawh a si. Asinain Khrihfa tuanbia zeimaw kan relmi ah siseh, nihin cawnpiaknak tampi ah Jesus a rat lai a hngalmi bantuk in bia a chim an tampi. Cucu Jesus nih a rat tthannak ding kong hmelchunnak i a lang ding ah a chimmi "Nal profet" bantuk an si caah "Cu tik, kha tik ah." tiah an chimmi le caan ah cun a ra lai lo nain Jesus a ra deng cang ti cu anmah hna hmang in hngalh khawh a si cang.
Nal Profet Hna Chimmi Jesus Rat Tthan Ding Kong Cheukhat:
 |
| 1843-1844 kar Jesus a hngaktu hna le Miller carton. foto: anomalyinfo.com |
1.) Jesus rat tthan lai ding ni-caan kong an rak aupimi tuanbia ttialmi "record" ah ro a lingmi pakhat cu "the Great Disappointment" tiin nihin tiang an chim ttheomi minung 100 000 leng nih 1843 ah Jesus an rak hngah tan kha a si. Mah cu USA i American pawl an rak si i nal profet minthang bik William Miller nih a hruaimi hna an rak si. 1840 thawk in Vawleipi rawhnak ding le Jesus a voihnihnak a rat tthan ding kong a rak aupi, i a chimmi cu March 21. 1843 le March 21. 1844 chung ah Jesus cu Vawlei ah a kir tthan lai ee a rak ti. Mah kong cu mibu itonnak kip ah a rak chim. Anmah chan i an rak hmanmi Technology hmang in catar, thawngca nammi le cakuat hmang in cu thawngtha cu a rak aupi, a rak zaar dih. Cu thawng a theimi 100 000 leng nih an rak zumh i 1840 le 1844 kar ah an ngeihchiah vialte an rak zuar dih hna i tlang pakhat ah kai in a donghnak ni cu an rak hngah.
Ni donghnak ni a rak phan lo. An i ruahchanmi a rak ra lo. Cu tikah Miller nih aa thawh i October 22. ni ah a ra tthan lai a rak ti hna. Sihmanhsehlaw, Jesus cu a ra hlei lo i Vawlei amah ning a rak si tikah Miller zultu chung in a mizumh pawl nih an thiamning in an mibu cu an rak hnemh, an rak leem khawh hna i nihin i kan theihmi Seventh-day Adventist Movement hi a rak i thawk. Wikipedia ah "The Great Disappointment" tiin an ttialmi tlingdeuh in rel khawh a si.
2.) 1993 ah khan David Koresh timi nih Texas i Seventh-day Adventist Church tang ah Branch Davidian Sect a rak hruai hna. Amah le mah cu Jesus ka si tiah a zultu hna a rak hlen khawh hna i Mount Carmel Center cu Vawlei a dih tik caah a remhter hna ti a si. Mah cu zumhnak cu a cung i anmah hlan Adventist group ah a hram bunhmi a rak si ve. A hnudeuh ah USA cozah nih Branch Davidian i phung an buarmi an hon theih hna. Hriamnam tampi an ngei, cun ngakchia le nu hna an serhset hna ning, Zuu le kuak pinah a dang a puak khomi thilri tampi an rak tlaih hna. Davidian phu nih cun an rak lehrulh hna caah US Agent pali an rak thi i David Koresh zultu paruk an rak ril ve. Nain Mount Carmel Center ah an rak i dor. Ni 50 chung an rak buai hnu ah FBI nih an umnak an kulh i Davidian phu minung kul leng an thih pinah Koresh zong cuka ah cun a nunnak a rak liam beh. Mah bantuk hi Africa ah cun an tam tuk ti a si.
3.) Y2K tiah theihmi 2000 kum thar ah Vawleicung Computer nih Vawleipi hi a hrawh dih lai tiah Biaknak kong zong si lo, sualnak ruang zong si lo tiin an rak chim. Asinain Computer an rak serning ah anmah fimnak an i rinhmi ruangah an rak vaivuanh bia deuh a rak si, kum thar kan hmang hna i Vawlei cu nihin tiang aa hel rih. Kanmah te hna kan chuah le kan lungfim hnu a rak si cang i kan ruahnak cu a phunphun in a rak um ve.
2.) 1993 ah khan David Koresh timi nih Texas i Seventh-day Adventist Church tang ah Branch Davidian Sect a rak hruai hna. Amah le mah cu Jesus ka si tiah a zultu hna a rak hlen khawh hna i Mount Carmel Center cu Vawlei a dih tik caah a remhter hna ti a si. Mah cu zumhnak cu a cung i anmah hlan Adventist group ah a hram bunhmi a rak si ve. A hnudeuh ah USA cozah nih Branch Davidian i phung an buarmi an hon theih hna. Hriamnam tampi an ngei, cun ngakchia le nu hna an serhset hna ning, Zuu le kuak pinah a dang a puak khomi thilri tampi an rak tlaih hna. Davidian phu nih cun an rak lehrulh hna caah US Agent pali an rak thi i David Koresh zultu paruk an rak ril ve. Nain Mount Carmel Center ah an rak i dor. Ni 50 chung an rak buai hnu ah FBI nih an umnak an kulh i Davidian phu minung kul leng an thih pinah Koresh zong cuka ah cun a nunnak a rak liam beh. Mah bantuk hi Africa ah cun an tam tuk ti a si.
3.) Y2K tiah theihmi 2000 kum thar ah Vawleicung Computer nih Vawleipi hi a hrawh dih lai tiah Biaknak kong zong si lo, sualnak ruang zong si lo tiin an rak chim. Asinain Computer an rak serning ah anmah fimnak an i rinhmi ruangah an rak vaivuanh bia deuh a rak si, kum thar kan hmang hna i Vawlei cu nihin tiang aa hel rih. Kanmah te hna kan chuah le kan lungfim hnu a rak si cang i kan ruahnak cu a phunphun in a rak um ve.
4.) Barack Obama president a ttuan lio a si tikah May 21. 2011 ah Amerincan tarpa Harold Camping nih Vawlei a dong cang lai a rak timi cu Media ah ceih cio a rak si. Mah hi a voikhatnak a rak si lo, 1992 ah "1994" timi cauk a rak ttial i September 1994 ah Jesus cu Vawlei ah a ra lai i ni donghnak ni a phan lai, a rak ti. Mah ti a rak chim khawhnak cu Bibel chung namber hna a tuak cikcek hnu ah a chimmi hi "99.9%" a dik tiah a rak chim ngam. Asinain Jesus a ttum in Vawlei a dong hlei lo. March 1995 ah a rak i leet. 2011 i a rak chim lio ah Obama cu "Anti Christ" a si tiah a rak chim lengmang. Nain atu cu a dai.
5.) 2012 timi Movie kha nan zoh pah cio lai dah, Vawleipi hi 2012 ah Nibiru timi Vawlei (planet) asiloah Black Hole he aa pah lai i a rawk dih cikcek lai tiah chim le ruah a rak si. Mesoamerican/Mayan Calendar zoh a thiammi hna nih an zohning ah cu kum cu Vawlei donghnak a chuak ding a si. An theihning ah atu kan umnak Vawlei hi a palinak Vawlei (Vawlei hi a thar in aa chuah lengmang i atu hi palinak an ti.) cu Dec. 21. 2012 ah a cawk lai ti a si ko. A movie an sermi tu nuam ngai in ka va zoh lehlam kha!!!!
5.) 2012 timi Movie kha nan zoh pah cio lai dah, Vawleipi hi 2012 ah Nibiru timi Vawlei (planet) asiloah Black Hole he aa pah lai i a rawk dih cikcek lai tiah chim le ruah a rak si. Mesoamerican/Mayan Calendar zoh a thiammi hna nih an zohning ah cu kum cu Vawlei donghnak a chuak ding a si. An theihning ah atu kan umnak Vawlei hi a palinak Vawlei (Vawlei hi a thar in aa chuah lengmang i atu hi palinak an ti.) cu Dec. 21. 2012 ah a cawk lai ti a si ko. A movie an sermi tu nuam ngai in ka va zoh lehlam kha!!!!
6.) Kum 42 a si cangmi Joanna Southcott nih a ralai ding kong biathli ka theih tiah a rak chim i 1799-1800 ah a rak lar ngai. Cattial a rak i thawk i zultu 100 000 hrawng a rak ngei, cu hna cu zumtu an rak si hna. 1813 kum ah Fa ka hrin lai i cucu a pahnihnak Messiah a si lai tiah cu kum ah cun a rak chim. Mah cun Vawlei donghnak a si lai a rak ti. Kum 64 a rak si nain a siibawi pa cu "Virgin" ka si tiah a rak chimh. Nau ngei lo i cu kum ah a rak thi.
7.) Jehovah's Witnesses a dirhtu Charles Taze Russell nih hin 1874 in khan Jesus a rat tthan ding kong a rak chim cang, i 1914 kha a si lai a timi kum a si. Ralpi pakhatnak a hon chuah kha 1914 cu a si tikah Russell caah cun ni donghnak ni a phan cang ti a lung ah a rak um cang. Asinain tuanbia nih a chimmi a palh tiah a kan chimh.
Bible chung ah Jesus a rat tthan ding ni kong hi Direct siseh, indirect zong in a kan chimhnak hmuh a si lo. A biapimi cu a rat tikah timh cia kan si maw timi hi a si.
Cc: Time, Britannica, wikipedia,
Comments
Post a Comment