Wikileaks Kum 10 Tlin Le USA President Thimnak Kong

kl.
Tu kum hi Wikileaks timi Domain-min internet ah a chuah kum 10 a tlinnak kum a si. Cu thawk cun biathli a phunphun le cozah rianttuannak pawl an phuan lengmang i Kawlram kong zong an rak phuanmi a um ve len. 

 A tang tiang hei ttum te. 

 Tuni September 4. i kum 10 tlinnak he pehtlai in Wikileaks nih Press-conference a tuah lio ah a dirhtu a simi Julian Assange nih a ralaimi November 8. tiang hi USA president thimnak he pehtlai in biathli kan phuan thluahmah lai tiah a chim. 

 Relchih: Julian Assange tlaihhrem puh kong

 A chimnak ah zarh hnu zarh khat in biathli (document) thar pawl an thlah lai. Cu an thlahmi vialte cu American president thimnak he aa pehtlaihmi le a biapimi a si lai. Assange nih tu zarh hin kan thawk lai a ti i, tu kum chung ah ram dang cio in Vawleicung i bu lian a simi pathum kong kan phuan lai, a ti.  

 A dotdot in an thlah dingmi biathli ca pawl cu Raltuknak, Hriamnam, Zinan, Google, USA thimnak le a thli in mi ngiat (internet, phone pawl) kong a si lai.


Cu hlan ahcun Wikileaks nih Donation a laak tawn, i alaak tein an website ah biathli an phuanmi rel le lak khawh a si tawn nain hmai thla lei in cun phaisa pek in zoh le rel a si cang lai. Aruang cu Wikileaks hi phaisa a ngei tuk ti lo, cun Donation lawng in cun Independent taktak an sinak a limhang a tlawm in an ruah caah a si kong Assange nih a chim chih. 

 Hillary Clinton caah Wikileaks biaphuan dingmi pawl le phuanciami hi biapi a si maw? Mah biahalnak ruangah hin tuni i Press-conference ah Journalist pawl nih an hna an tunbik. Asinain Assange nih nan kan ruahthurh caah a si, a ti i Hillary a huat tuk tiah an timi le Hillary hi harnak a pek lai an timi a palh kong a chimh hna. 

 H. Clinton hi harnak pek duh caah a si lo kong le, Wikileaks hi amah ruahnak petu pawl nih an ttih i pumpak in an i laak caah mah ti a huami a lawh hi a si timi Assange bia ning theih a si. Zei a va si zong ah biathli an phuan dingmi nih hin USA thimnak cu tampi a thlen a remh khawh lai tiah fekte in an dirpi.
Wikileaks le Assange nih USA thimnak kong ah Trump hi an i thim timi kong ah a si lonak cu cathluan in an chuah. "Trump kong a siah, Clinton kong zong si ko hmanhseh, a biapimi le biathli a simi information kan ngeih a si ahcun kan thlah ko lai," tiah hohlei an ttanh hna lo kong an langhter. 

 Kan hnu i Turkey i ralkap nih uknak cuh timh kong he pehtlai in biathli Wikileaks nih a rak phuanmi Aljazeera nih a ttialmi kong ah zeimaw cu a rak tthahnem rua.

 Wikileaks (Twitter ah zoh) cu kan pehzulh lai, ngol kan i tim lo ti a si. Cozah kip le USA zong nih hi an website hrawh ding an i zuam lengmang nain atu cu Vawleicung i Data, IT thiam tampi nih an bawmh hna caah an ca thlahmi pawl fawite in hrawh le hloh piak khawh a si ti lai lo ding kong zong Assange nih a chim. 
Cc: NRK/NTB/Reuters/Aftenposten

Comments

Post a Comment