Europe Football Club Hna Lak i "Home Matct" Ah Phaisa Hmubik

Arsenal hi Premier League a tei lonak kum a hong tam pah cang, cun Vawleicung i a lianbiak bawlungchuih zuamnak a simi Champions League zong a tei kho rih lo, nain Europe ah teitu a sinak pakhat a um. Mah cu anmah Arsenal inntek (home match) paoh ah Phaisa a hui in a huimi hi a si. 

Deloitte nih ttha tein a zulhdawimi a phuan ning ah London Club a simi Arsenal nih 2014/15 ah khan 132 million Euro hi Home Match lawng in an hmuh. Mah cu 132 million Euro cu Arsenal Club i kum khat ah phaisa a lutmi chung i 30% hrawng a si, a ti. 

Relchih: England ah phaisa hmubik United 

Hi phaisa cu Ticket an zuarmi man le a zohtu hna nih an cawkmi rawl le dinti in an hmuhmi a si. 

Arsenal nih atu an Stadium khi 2006 in hman an rak thawk i a zohtu minung 60000 a tlummi a si. Mahhi Stadium saknak ding caah hin Arsenal cu leiba tamtuk a rak ngeih caah hi an sak hrawng in an club nih leicung minthang an caw hna lo, phaisa a hman lo caah teinak an hmuh khawh lo hi a si tiah theih a si. 

Arsenal Stadium nakin a ngandeuh tukmi a ngeitu Real Madrid le Barcelona nih an tei lo. 

Atang ahhin Home Match ah phaisa a hmubik timi Club hna lakah pahra in ka van char, i England i club panga, Spain pahnih, Germany pahnih le France pakhat an si. 

2014/15 i phaisa a hmubik timi pawl:


1) Arsenal (Emirates Stadium): 132 mill. Euros
2) Real Madrid (Santiago Bernabeu): 129.8 mill. Euro
3) Barcelona (Camp Nou): 116.9 mill. Euro
4) Manchester United (Old Trafford): 114 million. Euro
5) Chelsea (Stamford Bridge): 93.1 million euros
6) Bayern Munich (Allianz Arena): 89.8 mill. Euro
7) Paris Saint-Germain (Parc des Princes): 78 million. Euro
8) Liverpool (Anfield): 75 million. Euro
9) Manchester City (Etihad Stadium): 57 million. Euro
10) Borussia Dortmund (Signal Iduna Park): 54.2 mill. Euro.

2015/16- zongah Arsenal hi leicung ah Home Match i phaisa a hmubik club cu a si tthiam. Asinain Ticket man a fakbik a si caah a si, ti zong a tong. 

(NTB/Dagbladet)