Manchester United hi tu kum i Englang ah phaisa a hmubik Club a hong si i tuanbia thar a ttial. Cu hmanh cu Champions League an chuih kho na lo in a va si.
Manchester United hi UK i kum khat chung ah phaisalut (income) Pound 500million leng a hmu hmasabik Club a hong si. 2015/16 ah khan Pound 515,3million an hmuh.
Kum khat chung ah 30% a kai. Barcelona lawng nih kum khat chung i phaisa lut a kaimi ah United hi a tei.
- Champions League kan chuih kho lo nain 2017 ah Record thar kan ttial rih lai timi cu atu i kan tonmi nih a langhter ko, tiah Ed Woodward nih Manchester Evening News a chimh.
United nih a chuihtu pawl siseh, rianttuantu ca i hlawh a pek ding hi Sterling Pund in 232.2million a si i Zlatan le Pogba an hon lak hna tikah a kaideuh lai tiah ruah a si. Cu pinah United caah a chuih ti lomi hrang i phaisa n chuahmi hi £6,7million a si, i cucu Bastian an pekmi a si.
Relchap: Mourinho maw a thiamdeuh Guardiola?
Ed nih a chimmi cu phaisa lut a kai caah hin hlawh ttha tein kan pek khawh lai i teinak kan hmuh khawhnak ding caah mi cawk le rian a thiammi laak khawh a si ve a ti.
Van Gaal a rian in an chuah ah khan United nih £8.4million a liam. Amah ca lawng si loin Van Gaal nih aa chuahpimi Manager phu ca zong a si. A man dinte lo. Manager chuah hi Club kip ah phaisa an dihbiknak pakhat a si ve.
Comments
Post a Comment