Manchester United & City An I Cil Tthan Lai

Manchester United cu a pehpeh in voi thum an sungh hnu ah tu zarh chung i EFL (League Cup) ah Club fate Northamton cu har ngaiin (3-1) in an tei hna. Anmah bantuk in Premier League Club a tamdeuh cu EFL ah teinak an hmu ve. 

A ralaimi EFL (round four) ah aa tong ding an hon thanhmi zoh tikah ngaih a um taktak. Aa tong ding hna lakah Old Trafford i Manchester-derby a simi Manchester United le Manchester City an chuih te dingmi hi a si. 

Relchap: Manchester United Hi Phaisa Hmubik A Si

Derby lawng si loin aa rem lo ngaimi Mourinho le Guardiola itonnak caan ttha a hong si tthan lai. 

Round 4. ahhin Liverpool le Tottenham hi zoh a nuam tthan ding cu an si ve. 

A dang cu atang lei bantuk hin an si: 

Arsenal - Reading
West Ham - Chelsea 
Bristol City - Hull 
Leeds - Norwich 
Newcaste - Preston
Southampton - Sunderland

October 26. ah chuih an thawk tthan te lai.