Tu zarh, Zarhte ni hi Mourinho le a naule nih Guardiola hruaimi Manchester City cu an don hna lai i Derby an chuih lai. Vawleicung min langbik Manager pahnih club thar veve an tlaih hnu an i ton a si lai caah ngaih a um ko.
Derby an chuih hlan ah a mirh khodeuh ding cu Pep Guardiola hi a si i a ruang cu vawleicung ah a hlawh saangbikmi Manager a si caah a si.
José Mourinho le Pep Guardiola hi chanthar Manager ah aa zuamcawh ngaimi an si, i an hlawh a sangtuk veve nain Vawleicung ah Guardiola hlawh a phan dengmi Football Manager dang an um rih lo.
A hnubik chuak The Telegraph nih Manager hlawh sangbik 10 cu a tanglei bantuk in a thanh.
Bayern ah Guardiola rian a chaangtu Manager thar Carlo Ancelotti hi pahnihnak a si i kum khat ah Sterling Pound (£)12.6 million a hlawh. José Mourinho cu hlawh sangbik pathumnak a si i £12.3 million a hlawh ve.
Mourinho rian a changtu Manager Conte cu a hlawh sang ngai ve lai tiah mi tampi nih an ruah nain Livverpool Boss Klopp nih a tei.
La Liga in Manager hlawhsang an um ti lo nain 10 lakah an Barcelona, Real le Atletico an itel kho.
Kum khat chung i an ttuannak Club nih hlawh a pekmi hna hi Sterling Pound in a si.
1. Pep Guardiola, Manchester City: 15.3 million
2. Carlo Ancelotti, Bayern: 12.6 million
3. José Mourinho, Manchester United: 12.3 million
4. Arsene Wenger, Arsenal: 8.9 million
5. Luis Enrique, Barcelona: 7.2 million
6. Jürgen Klopp, Liverpool: 7 million
7. Antonio Conte, Chelsea: 6.6 million
8. Ronald Koeman, Everton: 6 million
9. Diego Smeone, Atletico Madrid: 5.1 million
10. Zinedine Zidane, Real Madrid: 4.6 million
1 British pound = 1.34404 U.S. dollars
Cc: The Telegraph
Comments
Post a Comment