Barcelona cu Champions League teitu a si lai tiah rak ruah a si nain Atletico Madrid a tei lo caah Semi Final hmanh a chuih kho ti lo. Manchester United pi Champions League a chuih khawh lo ding a hong fian chin lengmang kong siseh, Chelsea nih Real Madrid Player man fakbik in an cawk timhmi kong pinah a dang bia chawkvai pawl cu a tanglei bantuk hi an si.
Aw cu hlan ah Manchester United manager Van Gaal nih a sakmi "I Will Survive" hi von zoh ta te. Sport i capo thiam Joe nih a tuahmi a si.
Champions League Quarterfinal: a dih ah Semi a kai ding ah ka rak ruahmi hna chung in ka kheng dih lo. PSG le City hi cu ka zumh deuhmi tinak in PSG hi ka rak ttanhdeuh ruangah CITY a sung lai tiah ka rak chim. Asinain Barcelona tu hi cu ka ttanhmi a si lo nain a tei lai tiah ka rak zumh. MSN timi hmaikal aa ngeihmi nih zeitluk hnukham ttha hmanh awng lak in an kah ko hna lai tiah ka rak zumh tuk hna. Atletico hi tutan cu an thiamdeuh hrimhrim pinah Panama Paper ruang ah Messi ttha tein bawlung a chuih kho lo tiah aa ttanhtu nih cun hei chim khawh a si.
Real Madrid nih Wolfsburg a tei tthanmi hi cu Ronaldo thiam rumro a si. Bayern belte mi a deuh, Juventus lio zong ah Juventus kha mithlen a tuanh caah a si ti ahcun kan palh tuk lai lo. Atu ning a si cun Real Madrid hi pakhatnak a la kho ding ah zumh awk ngai a si cang. Ronaldo nih CL tuanbia ah Messi cu a von thlau ngai lai i Suibawlung zong Ronaldo ta a si kho tthanmi a si tiah an zumhmi thlichung ah a vaih aa thawk cang.
Relchap: Messi le Ronaldo Pahnih Man He Aa Zat Deng
Champions League (CL) kong cu hi vialte siseh law, nihin i micawk le zuar ding thawngpang cu Real Madrid le Chelsea in von thawk sih.
Eden Hazard cu Real Madrid nih cawk an duh caah le Chelsea hi CL zong a chuih lai lo caah aa tthial lai tiah saupi ruah a si nain amah lila nih khawihmanh ka kal lai lo, a ti. Cheslea nih manager thar an lak hnu in thil tampi a hon i thlen caah a si lai tiah ruah a si.
Chelsea le Real pehtlaihnak cu Eden in a dih lai lo, atu hi Sergio Ramos cu Premier League (PL) ah a man fakbik si ding in Chelsea nih cawk an timh. Real nih a sian ahcun Pund 63.5million in an cawk lai. Atu tiang PL i a manfak bik in cawkmi cu Angel Di Maria kha a si i 2014 ah Pund 59.7million in Manchester United nih an rak cawk.
Arsene Wenger nih a fale cungah zumh le ruahchannak a ngeihmi a dih cuahmah i tthal hin cun minung 6 chuah ding in timhnak a ngei, tiah Daily Star nih a ttial. Cu hna cu Theo Walcott, Kieran Gibbs, Alex Oxlade-Chamberlain, Calum Chambers, Carl Jenkinson le Aaron Ramsey an si.
Manchester United nih Mario Gomez hi an ngiat ngaingai tiah Daily Star nih a ttial. Gomez hi tu kum ah goal tam ngai a sut khawh i aa khawn lo ahcun Germany ram ca zong ah duh ngaimi pa a si. United nih Gomez lawng si loin Zlatan Ibrahimovic, Romelu Lukaku le Pierre-Emerick Aubameyang hi an duh hna. I thim ding an ngei ngai i an caw kho te hna lai maw timi biahalnak lawng a um.
Chelsea, Arsenal le Manchester United nih PSG i Marquinhos timi Brasil pa hi an i cuh. Marquinhos nih PSG i a dirhmun hi a lungtling lo ti a si. Barcelona zong nih a duh kong an langhter ve.
Leichester ah a langtuk mi N'Golo Kante hi Leichester ah um rih ko seh tiah an duh caah club lianpawl nih an cawk khawh lo ding in khua an khaang. Atu tiang a man cu Pund 20million a si caah a man kaih ding in an i zuam. Arsenal, Chelsea, Tottenham le PSG nih lemh ding in an kaa an i aan ko.
A ralaimi Euro2016 a dong ding France nih an hmaikal tthabik Karim Benzema cu France team ah an telh lo. Amah Benzema nih Twitter ah a fianter. Aruang cu Sextape kong ah a si.
Paris Saint-Germain nih QuarterFinal an tlak hnu in atu an manager Blanc cu chuah i Jose Mourinho hi lak an i tim tiah bia a chuak. Mourinho cu atu tiang Manchester United nih rian a pe rih lo, bia in hnatlaknak an ngeihmi lawng a si rih. Mourinho nihhin Champions LEague a chuih ding le a tei kho ding dirhmun a phanmi PSG hi aa thimdeuh te khawh men mi a si, CL hi tei a duh zungzal.
Cc: The Independent, Daily Star, Mirror, TV2, Metro, Talksport
Comments
Post a Comment