Edward Snowden nih Norway cozah taza a cuai kong NRK nih a chim tikah thilmak ngai pakhat a si. Norway hi a nek ngai ti ka ruat colh. Thil phundang ngai a si.
Tu zarh chung ah Norway i minung 80 deng a rak thattu Breivik nih thonginn chung in Norway cozah taza a cuai hna i Norway cozah cu a sung, i Breivik nih zatceo deng a tei. Thonginn chung ah an tuahto ning, taklawng in an umter a tam kong ah a si i Human Rights a buar ko tiah Norway cozah cu a sungh caah Norway mi tampi le politicians an aipuang ngaingai.
Mah ti Breivik nih Norway cozah a tei ni khat hnu ah Snowden nih Norway cozah tazacuai a thawk cu a si ve.
Edward Snowden hi 2013 ah USA le vawleicung thawngpang a rak hnintu, nihin tiang American cozah nih tlaih an duhbik mi a si.
Vawleicung i Media a zalennak bik ram thumnak a simi Norway i bu pakhat a simi Norsk PEN nih Snowden cu 2016 i Ossietzky Freedom of Speech an pek. A ralaimi november ah khin Oslo ah laksawng peknak a um lai, i Snowden pumpak in ra seh ti an duh.
Amah lila nih hi laksawng lak ah kal a duh tuk ko, nain Oslo asiloah Norway chung a phak a si ahcun Norway cozah nih tlaih i USA ah kuat ding kha a phang fawn. American cozah nih a thlithup in thil a tuahmi kong catlap tampi kha Snowden nih zapi sinah a rak chuahpi caah Russia nih cikhat dornak a pek chungmi pa a si.
Relchap: Snowden hi Noble Prize an pe ngam lai maw?
Snowden hi Norway i bu pakhat nih Bjørnsons timi mintthatnak laksawng an rak pek bal cang i culio zong ah a rak kal kho lo. Cu a si caah atu bantuk in Norway cozah cu Snowden le a sihni pawl nih taza an cuainak a si.
Norway le American cozah kar ah thongtla, misual maw cozah nih a herhmi minung pawl i kuat ding biatiamnak an ngei. Asinain Norway i a sangbik beiceihzung nih dah ti lo, Justic-deparment siseh parliament nih tuahnak nawl an ngei lo.
Norsk PEN nih cun Snowden nih cozah tazacuainak hi an dirpi kong NRK ah an chim. Aruang cu ram mipi kha phung lo ning in a thli in ngiatnak an tuahmi a phuan caah a biapimi pa a si tiah an pom.
American cozah nih cun a thli in mi ngiat kha phungning a si lo, a rak ti ko nain Snowden a tuahmi tu cu USA a kir paoh a si ahcun tazacuai ding ti a si.
Fyio.
Edward Snowden hi 2013 ah USA le vawleicung thawngpang a rak hnintu, nihin tiang American cozah nih tlaih an duhbik mi a si.
Vawleicung i Media a zalennak bik ram thumnak a simi Norway i bu pakhat a simi Norsk PEN nih Snowden cu 2016 i Ossietzky Freedom of Speech an pek. A ralaimi november ah khin Oslo ah laksawng peknak a um lai, i Snowden pumpak in ra seh ti an duh.
Amah lila nih hi laksawng lak ah kal a duh tuk ko, nain Oslo asiloah Norway chung a phak a si ahcun Norway cozah nih tlaih i USA ah kuat ding kha a phang fawn. American cozah nih a thlithup in thil a tuahmi kong catlap tampi kha Snowden nih zapi sinah a rak chuahpi caah Russia nih cikhat dornak a pek chungmi pa a si.
Relchap: Snowden hi Noble Prize an pe ngam lai maw?
Snowden hi Norway i bu pakhat nih Bjørnsons timi mintthatnak laksawng an rak pek bal cang i culio zong ah a rak kal kho lo. Cu a si caah atu bantuk in Norway cozah cu Snowden le a sihni pawl nih taza an cuainak a si.
Norway le American cozah kar ah thongtla, misual maw cozah nih a herhmi minung pawl i kuat ding biatiamnak an ngei. Asinain Norway i a sangbik beiceihzung nih dah ti lo, Justic-deparment siseh parliament nih tuahnak nawl an ngei lo.
Norsk PEN nih cun Snowden nih cozah tazacuainak hi an dirpi kong NRK ah an chim. Aruang cu ram mipi kha phung lo ning in a thli in ngiatnak an tuahmi a phuan caah a biapimi pa a si tiah an pom.
American cozah nih cun a thli in mi ngiat kha phungning a si lo, a rak ti ko nain Snowden a tuahmi tu cu USA a kir paoh a si ahcun tazacuai ding ti a si.
 |
| FBI nih Sweden, Denmark le Norway sinah a rak kuatmi ca a si. NRK nih an thlah chinmi. |
Comments
Post a Comment