Europe le nitlak lei cu tthaal kan phan cuahmah i bawlung thawngpang cu a linsa chin lengmang ko. Atu hi Premier League hna cu voi 6 cio hrawng chuih ding an taang i Leichester City nih a tei ko lai tiah fek tein a chim cangmi an um bantuk in Betting-tuah mi pawl zong nih Leichester nih a tei tiin phaisa an liamh cang mi hna zong an um. Cu hna lakah England pa hi a zuurit lung in Leichester nih a tei lai tiah Pund 2,- in a rak cawkmi cu Pund 25000,- ah an liamh ding a si.
Asinain Premier League cu a dih rih lo, ti tu zarh innrin ni (weekend) zong an chuih rih lai i top-4 aa tel ding le a tangbik i a ummi pawl caah thinphan dai lo a si rih ko. Premier League a tei lai tiah zumhbik mi Leicester nih Top-4 ah itel a duh tukmi West Ham hi a tei hnga maw, zoh an dawh ngaingai lai. West Ham nih khan Arsenal kha 3-3 in kan hnu zarh a rak celhpi cang.
Chelsea nih Champions League Semifinal a kai ding Manchester City a don ve lai, i cucu zoh a nuam taktak ding a si. Manchester City hi pakhatnak cu a la kho ding ah a um ti lo, i top-4 ah an i tel a biapi ngaingai, aruang cu Champions League an tei lai zumh a si lo. City hi CL an chuih hnu an baa ngai lai i thahrim te a simi Chelsea nih an tei te hna lai tiah ka zumh.
Manchester United nih a tangbik Aston Villa a don ve lai. Premier League in tlaak riangmang ko ding cu an duh lai lo, a taangmi puai ruk teinak an hmu kho lai lo nain a dongh tiang fakpi in Aston Villa an i zuam lai caah United caah thil fawi a si lai lo.
Tottenham lawng hi Leichester City a kham kkho ding dirhmun ah an dir. Stoke ah an kal lai i cawnnikhat ni hi Stoke an tei ah cun ruahchannak tampi a um rih hnga.
Liverpool zong Dortmund cu ruah lo tuk in UEFA quarter in an thlak hna. Atu ah Premier League cu hawi nakin tlawmdeuh a chuih i Top-4 aa cuh kho dirhmun ah a um ti khawh a si ko. Mah hi ram dang league le Premier League aa dannak a si tawn, a dongh lai taktak lawng ah thil a fiang tawn.
Premier League top-4 ah aa tel kho ding ah ruahmi club pawl le an chuih ding a taangmi cu a tanglei bantuk hi an si. Leichester City hi zoh tikah an caah a har ngai khomi a si. A hlei in Chelsea, United, Everton le West Ham hi cu an caah thil har ngai a si lai.
Leicester City:
West Ham (Home)
Swansea (H)
Manchester United (Away)
Everton (H)
Chelsea (Away)
Tottenham:
Stoke (Away)
West Bromwich (H)
Chelsea (Away)
Southampton (H)
Newcastle (Away)
Arsenal:
Crystal Palace (H)
West Bromwich (H)
Sunderland (Away)
Norwich (H)
Manchester City (Away)
Aston Villa (H)
Manchester City:
Chelsea (Away)
Newcastle (Away)
Stoke (H)
Southampton (Away)
Arsenal (H)
Swansea (Away)
Manchester United:
Aston Villa (H)
Crystal Palace (H)
Leicester (H)
Norwich (Away)
West Ham (H)
Bournemouth (H)
West Ham:
Leicester (Away)
Watford (H)
West Bromwich (Away)
Swansea (H)
Manchester United (H)
Stoke (Away)
2015/16 kum Premier League hi Lechester City nih a tei ko lai tiah na zum maw? Asilo ah Kei nih cun Tottenham hi ka zumh hna i Arsenal hna nan zum deuh hna maw? Nan zumhmi van kan chim cio te ulaw.
Foto: skysports.com
Comments
Post a Comment