Manchester United manager rian a hngak liomi Jose Mourinho cu UNICEF nih a tuahmi mihar bawmhnak ( Soccer Aid match) caah chuihmi bawlung-puai caah England hruai ding in manager rian an pek.
Sundderland-manager Sam Allardyce nih a bawmh lai, i hlasak thiam Robbie Williams zong Coach-team ah aa tel ve lai, ti a si.
UNICEF nih a tuahmi mihar bawmhnak bawlung-puai hi England le a taangmi vawleicung ram vialte (England against the rest of the World) i zuamnak a si lai, i Mourinho nih England a hruai lai. A taangmi ram vialte cu Leichester City manager a simi Claudio Ranieri nih a hruai hna lai.
Mah hi puai cu June 5. Old Trafford ah an chuih lai.
Mourinho hi Manchester United nih rian an pe rih lo nain Paris Saint-Germain nih manager ttuan ding in an halmi cu a cohlang ve rih hna lo. Atu England a hruai dingmi ruang ah a ralaimi manager rian kong ah dawnhnak a um lo, ti a si.
UNICEF tuahmi Cup hi a tei si ahcun tuanbia thar a si lai. 2014 ah khan (The rest of the World) caah manager a rak ttuan i 4-2 in England an rak sung. Cucaah Soccer Aid-cup hi a kaphnih caah tei ka duh, tiah Mourinho nih Sky Sport ah a chim.
– Sam he ttha tak in kan ttuan tti lai, i Claudio hi voi khat cu a sung ve hrim lai, i a nuam ngaingai hnga tiah Leichester manager cu Mourinho nih a van char.
Unicef mah hi mihar bawmhnak cu 2006, 2008, 2010, 2012 le 2014 ah a rak tuah cang i Unicef caah Punf 17.million an hmuh khawh.
A tang ahhin 2014 i Mourinho nih England pa a rak thluk lio.
Comments
Post a Comment