Blog ka tuahmi hi Laica/holh in carel a huammi hna nih an rel duhmi kha biapi ah chia in ttialnak ding caah a si bantuk in bawlung thawngpang tu tamdeuh in kan von ttial tawn. Nan hawile zong rak chim hna u law Share rak tuah tawn u tiah kan sawm hna.
Tu zarh cu Champions League Quarter-final an chuih i Asia lei kan hawile cu hngilh lo in a hngakmi zong an tampi tiah kan theih. Real Madrid nih an deuh cio ttheo hna lai, Germany club Wolfsburg nih 2-0 in a puai khatnak an tei hna.
Goal sut lo in Real a sunghpitu Ronaldo cu minngei thawngthanhca Daily Star nih Manchester United ah a kir lai tiah a ttial. Ronaldo nih Madrid i a umnak inn zong kan zuar tiah ca a tar cang. PSG nih amah nakin Neymar an duh deuh fawn caah United ah a kir lai tiah ruah khawh a si bik.
Cu bantuk in Barcelona zong voidang an chuihning nakin an cawlcangh a tthalo deuh i Atletico Madrid nih 1-0 in an celhpi hna lio Goal-thlen hlan ah goal suttu Torres an chuah bu in 1-2 lawng in Barca nih a rak tei. Atletico hmaikal Torres an chuah ko nain goal 2 a suttu Suarez cu Yellow-card hmanh a pek lo caah Barcelona minung chuah an sinak ding ah zei palhnak dah an tuah a herh hnga, tiah khuaruah har in mi zapi cu ihnak kan rak panh cio. A dang cu zumhning in an si pah ngawt.
April 7, zan cu UEFA Cup an chuih ve lai. Dortmund le Liverpool hi zoh a nuam taktak ding an si. Jurgen Klopp nih Europe football club min ngei ah kum tam ngai a rak hruaimi Dortmund cu atu i a hruaimi Liverpool he an i ton ding a si caah le Liverpool caah Champions League chuih khawhnak Ticket a si caah Europe League tei an i zuam khun lai. Dortmund tiah le kian lo val lawngte, an dintuai lai lo.
A dang pakhat zoh a nuam ding cu ni kum pakhatnak a simi Sevilla le Athletic Club hi an si. Sevilla nih i nolh an duh rih.
Manchester United caah Premier League i top-4 ah i tel hi Champions League chuih nakding caah zat dawh a si lo. Champions League chuih khawh cu Europa League teinak in an duhdeuh, an i zuam bakmi a si, nain top-4 ah i tel ding aa zuam cuahmahmi United le West Ham caah Champions League luhnak innka a bi chin lengmang ee tiah Daily Mail nih a ttial.
Voi dang ning a si ahcun top-4 ah i tel ahcun 4nk hi Champions League chuih khawhnak ding (qualify) chuih hmasa a si tawn. Tutan England belte ah top-4 nak si zong ah CL chuih khawh lo ding dawh in a um. A ruang cu ram pakhat nih CL ah club 5 lawng i tel khawh a si i kan hnu kum ah khan Spain La Liga in club 5 an rak i tel kho. Cu ti i tel khawh nakding ahcun Manchester City nih Champions League a tei lai, Liverpool nih Europa League a tei lai, i Premier league i top-4nak cu CL a chuih kho lai lo.
2016/17 kum Champions League a chuih kho ding ah a fiang ngaimi England club cu Leicester, Tottenham le Arsenal hi an si. Zei cah tiah Home le Away chuih ding ah hi club pathum hi Home an chuih ding a tamdeuh i zumhdeuh an si. Manchester City, Manchester United le West Ham tu hi top-4 nak fakpi in aa cuh ding ah tulio hin cun a langmi an si.
April 6, zan ah PSG le Manchester City cu 2-2 in an rak dih i City caah ruahchannak lianpi a um. Champions League an tei a si ahcun top-4 ah an i tel lo zong ah Automatic in CL an chuih lai. Liverpool nih Europa a tei ahcun CL ah aa tel kho lai i Leicester, Tottenham le Arsenal he cun club 5 an si cang lai caah 4nk a simi United maw West Ham cu CL an chuih kho lai lo.
Comments
Post a Comment