Nihin chun ah England i The PFA nih Barclays Premier League Team of the Year 2016 an thimmi cu an thanh. The PFA nih thim ding aa tlak a timi min a tarmi hna chung in Premier League a chuihmi hna zong nih vote an thlak ve i an thimmi hna a si.
Team of the Year 2016 ah Arsenal in pakhat, le Manchester United in pakhat an i tel i Manchester City le Liverpool in pakhat hmanh an i tel lo. Chelsea zong in Willan khi mintar a si nain a tling lo.
Arsenal ah a biapi tukmi Mesut Ozil aa tel lomi belte hi ka khuaruah a har ngaingai. Premier League ah Passing a tthabik le amah pekmi in goal 19 ( a tambik a si) an sut, nain tutan bawlung kum i a thiambik timi lakah aa tel lo.
Hnukham tthabik tiah ka ruah vemi Hector Bellerin lawng hi Arsenal in Team of the Year ah aa tel.
Manchester United hi an thiam lo tuk ko nain Chizawh a lomi David de Gea a thiam tuk caah nihin tiang top-4 an i cuh kho rih ti ahcun kan palh lo ngenge hnga. Mah cu a si caah United in amah ih Team of the Year ah aa tel ve.
Leicester le Tottenham nih a taangmi hmun riat cu pali veve in an i tthen. Hi hna pahnih ahhin pakhat paoh Premier League tei ding an si cang, i hmark tlawmpal in Leichcester nih a thlau rih nain voi thum an chuih dingmi ah Leichester hi Chelsea, United le Everton he hna aa ton lai caah Tottenham caah ruahchannak a nung.
Peh lawlaw ah cun Leichester hmaikal Vardy cu nai West Ham he si maw an chuih ah khan aa sik caah puai khat cu a tlawmbik a chuih kho lai lo.
England mi pahnih hmai an kal lai, i Harry Kane le Jamie Vardy hi tu kum PL ah goal tambik veve a sutmi an si. A ralaimi puai li chung ah goal a sut tamdeuh hi sui-keden an co te lai.
PFAs «Team of the Year» i Premier League cu a tanglei bantuk hi an si i 4-4-2 in an chuihter hna hnga:
David De Gea (Manchester United)
Héctor Bellerín (Arsenal)
Wes Morgan (Leicester)
Toby Alderweireld (Tottenham)
Danny Rose (Tottenham)
Riyad Mahrez (Leicester)
Dele Alli (Tottenham)
N'Golo Kanté (Leicester)
Dimitri Payet (West Ham)
Jamie Vardy (Leicester)
Harry Kane (Tottenham).
Comments
Post a Comment