Ka Facebook Inbox Ah Cakuat An I Thup, Zeitindah Ka Hmuh Hna

Ka theihnak a sau pah cang nain cakuat a luh theih khawh a si lo caah a zoh ka daithlang tawn. Cu tikah hawikom le chungkhat pawl nih ca an a kuat ko nain ka rak hmuh lomi a tam. Zahan ah Capar kan in halnak na hmu maw, na kan ttialpiak kho maw tiah an von ka hal hnu in ka lungfim i ka zoh cu cakuat(message) tampi an rak ka kuatmi ka hmuh. 

Relchap: Facebook ah Fale hmanthlak tar iralring awk

Facebook cakuat a luhnak pakhat a theitu an rak tlawmte, atu zong ah a thei lomi tampi khawh rih a si. Facebook nih na hawile sin lawng in silo in FB. a hmantu poah nih ca an in kuat khawh ding in an tuah. Cu cakuat pawl cu Inbox chung ah lut lo in Message Requests timi cabawm ah an lut. 


Mah cu cabawm ah cun FB. i na hawi a si lomi nih ca an in kuatmi a dihlak si lo hmanh ah 10 ah 9 a lut lai. A duhnak cu FB. nih spam (cakuat ttha lo ti ko sih) pawl rawnnak ah a hman, i Gmail i hnawm pawl luhnak Spam bantuk a si. Kan theih lomi Online-thil zuar pawl le fihnung thil pawl an kan kuat tikah cuka ah a luh caah a tthatuk nain kan hawikom, kan chungkhat asiloah rian he pehtlai in maw ca an kan kuat tikah kan Inbox ah lut lo in cuka i a luh cu a poi ngaingai. 

Facebook i aa thupmi cakuat pawl umnak hi a lalpang pah lomi nih cun theih a har caah siaherhnak he atang hin ka van ttialnak a si. 

Facebook ah na hawile nih ca an in kuat tikah cakuat luhnak Inbox a luh cu Inbox/message zawn ah a senmi in a lutzat an chimh. Asinain atu i hi cu a luh le luh lo na thei kho lo. 

Phone/Tablet Facebook App. na hman ahcun: 
1. Na FB. messenger ong law "Setting" ah kal.
2. "Persons" timi kha click law "Message Requests" timi na hmuh lai i click ko. Hika hin FB. i na hawi a si lomi pawl nih ca an in kuatmi kha na hmuh hna lai. 

Computer/Mac hmangmi na si ahcun: 
1. Facebook ah na lut lai, Inbox kha na click lai i a cungbik ah "recent post" le "Message Requests" timi na hmuh hna lai, i 2nk hi na click lai le FB. i na hawi a si lomi nih ca an in kuat ahcun na hmuh ko lai. M.R na click hnu ah "See filtered requests" na hmuh a si ahcun click a herh lai.

Ka FB hawi a si lomi ca nan ka kuat ko nain kan leh hna lonak a ruang cu mah hi a si i a ruahzia le theihthiam nan rak ka zuamnak lai kan nawl hna. 

An tthathnem mi hna nan um cun kai lawm. Chuntha/mangtha hna ulaw.