Tunai te ah Roma nih 1-0 in Napoli a tei bak in Juventus cu 2015/16 Serie A teitu a hon si colh. Mahhi Juventus nih kum nga peh in Serie A an teinak a si.
Relchap: Champions League thlen a duhmi club an itong
Voi 35 an chuih cang i Juventus cu Hmark 85, a si i a changtu Napoli cu 73 lawng an si. An dawi kho ti hna lo.
Tu zan Roma nih Napoli a tei ahhin kum 38 a si cangmi Francesco Totti biapi tuk in aa tel. Cu pinah Totti nih hin Roma caah zeitluk biapi a si timi cu a luancia an chuihmi pawl zong ah a rak langhter. Leichester City nih kum khat te in kan chuihpi an ti nain Roma ah um rih a duh. Roma manager nih a kum upa cang i an duh lo a si ahcun USA ah kal a duh deuh. Totti nakin Roma ah min a neimi an um ti lai lo dah.
Juventus hi atu lawng si lo in 1931-35 chung hi kum nga peh in Serie A pakhatnak an rak lak bal. Anmah lawng an si lo, Torino le Inter zong nih Serie A pakhatnak kum nga peh in an rak la bal ve.
Tutan season hi October ah khan cun Inter nih tamtuk in Juventus an rak lonh nain kum thar ah Juventus an kai tthan. A hleiin Champions League an sungh hnu in Serie A hi an i hmaithlak.
Roma nih Napoli a tei hnu in pathumnak an si i Napoli he hmark 1. lawng an i thlau. Serie A cu pathumnak a simi hi Champions League chuih khawh nakding ah qualify chuih tthan an herh caah pahnih nak hi Napoli he an i cuh rih lai. (©NTB / TV 2) Foto: Espnfc.com
-----------------------------------------------
Nan hawile sin ah Share rak tuah tawn u rel ve hna seh.
Comments
Post a Comment