Kum 18 nu te nih a ttialmi Essay cu USA i a tthabik an timi University pariat hna lak i panga nih an duh tuk caah an sianginn ah kai ding in innka an hunpiak. Asinain a panga ning in luh awk a tthat lai lo caah zei sianginn dah aa thim hnga timi cu kan lungre theihpi duh hlah usih.
Cu sianginn panga hna cu Yale, Columbia, University of Pennsylvania, Darthmouth le Cornell an si i kum tin leicung sianginn tthabik timi lakah an i tel.
Brittany Stinson (18) nih a ttialmi Essay cu American dawr pakhat a simi Costco a uarnak he aa pehtlaihmi a si, i phundang tein a ttial tiah media ah cun an chim. Cu a ttialmi cu USA i Ivy League-university timi USA i sianginn hlun 8 ah a kuat hna i Prinston le Harvard lawng nih cohlannak an kua lo.
Sianginn luhnak an tuah tikah USA ah cun Essay tial i pumpak sining langhter khawh hi aa tel ti a si. Essay an ttialmi in mi tampi zong sianginn tha ah a lutmi an um, i Laimi zong an i tel ve.
A cung i University pariat nakin luh a hardeuh mi Stanford University zong nih hmun kan in pek tiah cohlannak ca an kuat ve.
A ttialmi Essay cu a tang ah khin ttial khawh a si. Amah hi Essay a ttialmi ruang lawngah si lo in sianginn a kainak hrim ah cathiam a si i a mark a ttha tukmi a si tiah an chim tthan.
Sianginn khar hlan ah a ngahnak sianginn vialte hi len aa tim i mah hnu lawng ah a kai duhnak sianginn aa thim lai, ti a si. Atang ahhin a ttialmi Essay cu a tialning tein Businesinsider ahvan rel ve te.
Comments
Post a Comment