Didier Drogba cu bawlung a chuih lio in club lianlian ah phaisa tomtom a rak hlawh. Phaisa a ngei tuk lai tiah ruahmi pa cu atu hi amah nih a sermi mihar bawmhnak bu The Didier Drogba Foundation phaisa ningcang lo in a hman tiah puh a hon si.
Tihni ah khan Mirang thawngthanhca ngan a simi Daily Mail nih a ttialnak ah Didier Drogba nih mihar bawmhnak ah phaisa a kawl i mi nih an hlutmi Pund 1.7 million chung ah zatuak pakhat (1%) lawng Africa i ngakchia a harmi pawl sinah a phan.
Relchap: Zaanglek Thawngpang
David Beckham, Frank Lampard, John Terry, Roger Federer le U2-hlasa Bono te hna hi Drogba nih Africa i siifak ngakchia pawl caah a tuahmi bawmhnak phaisa a petu an si hna.
Mihar bawmhnak ah si lo in puai(party) tuahnak le Africa ram pawl caah a tthathnemnak um lomi thil pawl caah a hman tiah an puh chih. Thawngca nih Drogba rianttuan ning a ttialmi tampi lakah sii-inn tam ngai kan sak cuahmah a timi a si lo zia le pakhat lawng an sak i siibawi- asiloah zohkhenhtu an um lo kong zong aah tel.
Hi Daily Mail ttialmi vialte a dik lo tiah a rannak in BBC ah a chim. Cun, phaisa kong ah buai awk a um lo. A caan a zat tikah cun hman a si te ko lai, a ti.
– Phaisa kong ah ttuanvo ngeitu ka si. A ralaimi caah timhtuahmi (projects) ka ngei ko, i ka tuah ding zong keimah nih ka hngalh ko, tiah a chim chih. Atu hi kum 38 a si cangmi Drogba cu USA, MLS ah a chuih cuahmah.
Vawleicung minthang hna lakah mihar bawmhnak phaisa a pe tambik cu Elton John a si, tiah The Sunday Time nih a ttial.
 |
| Hlasak thiam E.John le catial thiam J.K Rowling |
Elton John nih hin ni kum chung ah khan USA le UK i Aids caah a pekmi cu Pund in million 26.8 a si. Mah hi a ngeihmi lak i zatuak 8.9 (9% deng) a pekmi a si. Asinain Elton John hi minthang (celeb) pawl lak lawng ah a tambik a petu a si.
Harry Potter a ttialtu J.K Rowling nih Pund 10.3million a pek ve, i minthang ah cun a pe tam pawl a si tiah The Guardian nih a ttial. One Direction nih Pund 1. million le Cold Play nih Pund 3.8 million an pek ve.
David Beckham, Ringo Starr le Jamie Oliver hna pinah Steven Gerrad nih Liverpool i ngakchia sii-inn caah Pund 500 000 a pek ve. Manchester United manager Van Gaal zong mihar caah phaisa a chuahmi a tam ngai ve, ti a si.
Mihar caah phaisa petu minung 300 leng (mirum le minthang lawng) lakah phaisa a pe tambik a petu The Sunday Times List ning in cun Sainsbury-family an si i Pund 220.million cu 2015 kum chung ah an rak pek. Mah cucu an ngeihmi chung in 40% a si. a luancia thla 12 chung ah mirum pawl nih Pund in 2.66 billion an pek khawh.
Comments
Post a Comment