Europe le America lei cu tthaal a chuak cuahmah i bawlungchuih zuamnak le i hawikomhnak a phunphun tuah a si tikah i al sual a fawi ngaimi bawlung phung an thlenmi kong bawlungchuih uartu hna nih theih chung awk a tthami a um.
The International Football Association Board (IFAB) cu Wales ah an itong hna i bawlung phung le phai an ceih tikah thlen a herh an timi an thlen hnu ah a ralaimi bawlung kum (june thawk) in hman ding ah biachahnak an ngei.
Penalty pek, Redcard pinah puai-dang chuihter lo timi phung hi a biapi in aa thlengmi pakhat a si. A suallam cu 16 meter chung ah thil sual a tuahtu kha Direct Redcard pek i puai-dang bar, cun khatlei kha penalty chuihter timi bawlung zulphung dal-12nk ah a ummi kha an thlen.
Atu phung thar ah cun hnukham asiloah pakhat khat nih bawlung kham le laak (if a person goes for the ball) aa zuam a si ko ahcun bawlung kheng lo in mi dang a thluk hna tikah Yellow-card lawng pek a si lai, nain a tlumi lei kha penalty chuihter a si tthiam lai tiah FIFA-president Gianni Infantino nih FIFA.com ah a chim.
Asinain bawlung laak i zuam lo, dawi lo in mi angki in dawh le nam te pawl a si ahcun Direct-Redcard pek khawh a si rih.
A dang pakhat cu bawlungchuih le tlik pah in i phelh le thluk a um tikah a sualmi kha Redcard maw Yellow-card maw an pek a si ahcun a sual lomi aa khawng mi kha bualrawn (certual) chung a rilhnak hmun ah thlop le zohkhen a si cang lai. (A kiakmi asiloah a chuih kho bak ti lai lo, timi lawng mi dang he thlen colh a si lai.)
A ruang cu thil sual a tuah tu ruang ah khat lei phu minung aa khawn i an zohkhenh kar ah 10-11 in an rak chuih chungmi kha a si awk a si lo, tiah an cohlan caah a si.
Bawlung chuih thawkka, asiloah goal sut khawhka i alai in thawk tikah hmaitonh lawng bawlung i chanh le chuih khawh a simi hi a ralaimi June thawk in cun duhnak paoh ah (hmaikal pahnih theng i chanh si ti lo) chuih khawh a si cang lai. Duh ahcun hnukham zong pek khawh colh a si cang lai. Direct in phudang lei ah chuih colh lo kha a biapi.
Hi an thlen tharmi phungphai hi ram kip nih zulh colh a si lai. Hika hin zulhphung an thlen tharmi a tling in rel khawh a si.
Asinain ram sifak nih an tuah lem lo ding phung thar pakhat cu Video/tv hmang in biakhiahnak tuah hi a si.
Atu ahhin Premier League cu goal chung ah bawlung a lut taktak maw timi biachahnak cu Video an hman cuahmah cang. I a ttha an ti. Cucaah Redcard kong, Penalty le a palhtu zoh khawhnak ding ah Videotechnology hman cio ding in lungtlinnak an ngei i Italy zong nih hneksak le hman colh an i timh kong Sky Sports ah an chim.
FOTO: AFP PHOTO
--------
Nan rel i a ttha nan ti ahcun nan hawile sinah kuat/Share in rak kan bawm tawn.
Comments
Post a Comment