Leichester City nih Premier League a tei ti thanhnak ding cu Zarhte zan i Swansea 0-4 in an tei hnu in a nai chin lengmang cang. Mah cu Goal 4 an sutmi lakah goal khat a suttu Riyad Mahrez cu 2016 kum English Premier League Player of the Year a si tiah PFA nih a thanh.
Sir. Alex Ferguson nih a thiambik a timi cu a tling lo, tinak a si.
Mahrez hi a chuihtti hawi Jamie Vardy le Ferguson nih a thiambik a timi N'Golo Kanté, cun Harry Kane (Tottenham) Dimitri Payet (West Ham) le Mesut Özil (arsenal) cu EPL Player of the Year caah an min an rak tar tti hna.
Mah Hi Premier League Team of the Year 2016 An Si
Swansea he an chuih i a sutmi kha goal 17 nak a si i amah pekmi goal 11 an sut cang. Alaikal i mah tluk goal a sut lawng si loin an club caah a biapi tukmi pa a si tiah Premier League i a chuihmi vialte le vote thla khotu hna nih Mahrez an thim.
Kum 25 lawng a si rihmi Mahrez hi 2014 ah khan Pund 400000 in an rak cawkmi a si i nihin ah cun vawleicun club lianlian nih an i cuh ciomi pa ah aa chuah.
The Telegraph ttialning ah er Mahrez hi Africa in a England i a chuihmi hna lakah a hmasabik Premier League player of the year thimmi a si. Algeria in a rami a si.
Ni kum i Eden Hazard nih a laak thawk in mah hi thimnak ah Premier League i a chuihmi vialte nih vote thlak khawh a si ve cang, cu hlan cu Journalist deuh an rak si.
PFA Young Player of the Year cu Tottenham in Dele Alli a si.
Cawnnikhat ni hi Tottenham vs. West Bromwich an chuih lai i Tottenham an awn lo a si ahcun Leichester caah cu nakin a theih a nuamdeuhmi thawngpang a um hnga lo.
Comments
Post a Comment