Tuzing British Media nih an ttialbikmi cu "United nih Van Gaal chawngtu ding ah Mourinho he hnathlaknak an ngei cang," timi hi a si. Tthaal a chuah, tutan season a dih in an i thleng lai.
- Jose Mourinho hi Manchester United ah a kal lai, hnatlaknak an ngei cang tiah Telegraph nih a ttial.
Mah bia cu Mourinho nih a hawile a chimhmi hna media nih an theih chinmi a si, tiah theih a si. United belte nih fiangte in an chim rih lo nain, Mourinho an ton lengmangmi cu an i pheh lo.
January thawk ah Mourinho nih cahmai paruk khat in riansoknak cu United hruaitu a rak kuat hna.
Kahin relchap: Mourinho nih Van Gaal zoh loin United ah rian a sok
Tulio United-manager Louis van Gaal hi 2017 tiang min an rak thut, nain 2016 kum canceo tiang lawng hi a ttuan cang lai tiah zumh a si. A hleiin United hi Champions League a chuihpi khawh hna lo ahcun aa dinte ko lai, tiah The Telegraph nih cun a ttial.
Premier League ah 5nk an si i palinak a simi Manchester City nih hmark-4 in an tei rih hna. Chelsea Fc he an chuih ah 1-1 an dih hnu in United hi cu top-4 ah an i tel kho ti lai ka zum lo, i British media nih an chimmi hi ka zumh deuh ngai.
Mourinho an duh kong cu United-hruaitu nih an thup kho lo, i United ttanhtu cheukhat nih Mourinho kalpimi Football-philosophy hi an uar lo. "Mourinho cu mi teinak a herhmi paoh kha a hmangmi a si ti kan hngalh, mino tthanchoter ding i nocawm ding a lung ah um lo," tiah Irish Independent nih a ttial.
- If he does come in, the United fans will have to be patient with him and accept the fact that he doesn’t really promote youth, but we all know he is a pure winner and gets results by any means necessary. - Jordan Street, oldtraffordfaithful.com.Sihmanhsehlaw, Manchester khua ah uknak aa thleng lai tiah ka rak ttial bang, City nih Pep Gourdiola an lak hnu in United nih England ah City hi zuamcawhtu a ngei sual lai lo ti an phannak a lang taktak ti khawh a si.
2010-2012 kar La Liga ah Barcelona le Real Madrid in a rak i zuammi, Barcelona ah a rak i thei ciami Pep le Jose hi an i tlak ko. Mourinho nih Pep a hngalh caah United nih an duhnak hi a si fawn khomi a si.
England Premier League hi zoh a nuam tuk ti lo tiah ruah cio a si tikah England Football hi leicung ah pakhatnak si tthannak ding ah cun Manager minthang in thawk a hau.
Cc: DailayMail
Comments
Post a Comment