Youtube i Ka Ngaihmi Laihla Pawl (Ngai ve Hrim)

photo clip: Laipa Aro/youtube

Laimi nih hla aw kan ngeihmi tete hi tu chan ah zaraan nih ngaih duh a si ti lo tiah kan palh tuk lai lo. Kan bia le hla a tthancho khawh nak ding ah chan he aa tlak in hla ttial a herh. Mirang hla cu chim lo zeiruang ahdah kawl hla pawl ngaih kan huam? Kawl hla hoi hna cu copy a tam taktak. Nain kan ngaih huam ngai hna, kan sak huam ngai.

Laimi nih Country phun lawnglawng si lo in Pop, Rock le Rap ti bantuk hi kan bia le holh in aa tlaak tein ttial khawh le sak khawh ve a si ko lai. Cucaah hla a uartu mino pawl nih Youtube ah zei bantuk hla dah an tuah ttial, an sak i Lai hla an ttialmi zeidah a lawh ti theih duh ah Youtube ah Lai hla ka kawl i ka ngai hna. Atang lei ahhin a ka simh kho theng lomi ngaih a nuammi hla tete ka von chuahpi. Zeitindah nan ruah cio, i zeitindah kan hla kan tthanchoter lai? a phunphun nan ruahnak chim cio khawh a si. 

1. Dawh Nun Cawn Na Hau Lainu ti a si. New Zealand um Lai mino ttial le sakmi a si i Mah hi click hmanh ngaih a nuam, nih a chuak na ti rih lai. 

2. Rung Kir Than Ko Ka Dawt hi hla 2 chung ah click 8000 an ngah.


3. Youtube ah chiah lomi KAN NGAI hi ChokhleiMediaProduction nih an chuahmi a si. Rak ngai ve.


4. Dingdi Ka Ngai timi hla cover satu Billy hi a men lo, thla 2 chung ah zohtu 20000 leng a ngei. Pathian hla aa chuah liomi zong an ttha tuk.


5. A Dongh Zan


6. Mang timi Van Biak Lian hla thar. A chuahnak sau pah cang kho men, Kawlram ka tlawn lio ah ka rak ngaih bal cang.


7. Tuanbia Kan Tial Ti Lai hi nai December thla ah Youtube a phan. A satu thiam tuk cu a si lo nain hi bantuk hla zong tial lengmang awk a si. Tha ka pek ngai.


8. Philh Har Dawtmi hi Mai Acy nih a sak i philh duh zong ah philh khawh a si lo.


2015 chung i Laihla a tthami, a chuak thar ah zeidah nan uar. Atu ka tarmi hna hi nan uar lo tuk na maw, van chim cio te u. Hla kawl a har tuk i ngaih awk ka thei lo hih.

Kai lawm.