[Update] New York thonginn Clinton Correctional Facility bauh in Richard Matt (48) le David Sweat (34) an zaam hi ni hra leng a hong si cang. Ahohmanh mah hi thong an on hnu kum 170 chung ah an rak zaam kho lo, avoi khatnak a si. Thonginn an bauh ning an hmuh tikah bawmtu an ngei hrimhrim timi cu el awk a ttha lo i ho nihdah a bawmh hna timi lawng kha hlathlainak an tuah awk cu a si cang. Mah tikah hi thil a can zarh i thonginn i innsatu pawl siseh a congtu vialte cu biahal le purdahnak an ngeih hna. Mah cu nih mah thonginn i rian a ttuanmi nu Joyce Mitchell cu a bawmtu tiin an tlaih chung. Palek le hi a hlattu hna nih an purhdahmi cu Joyce nih hin a zaammi pahnih hi thong bauh khawh nakding ah an herhmi thilri a pek hna, ti a si.
 |
| Joyce Mitchell cu a bawmtu tiin an tlaih. Ht: Reuters |
CNN nih a chimnak ah palek pawl nih ni hra deng an kawl cang hna nain an hmu rih hna lo i an dawimi neh cu a tlau. June 13. ah khan cun ttih a nung tuk timi thong bauhtu pahnih cu palek nih kan kulh cang hna tiah cikhat cu an rak chim. Cuka hmun ah cun an rak um lo.
Mi an thah ruangah thongthlak mi an si bantuk in atu an chuah tik zong ahhin mi an that than lai timi kha phanmi a si i anmah a bawmtu tiah ruahmi Joyce lila i a vapa cu an thah hnik tiah CNN nih naite in a chawnhmi thil thei pakhat nih a chimmi cu an tial. Mah cu a si caah Joyce Mitchell hi an tlirhkhonh caah Joyce nih a bawmhmi hna a si lai, tiah an ruah chinchin.
Joyce Mitchell hi a zaammi pahnih hna nih hin kum tam ngai rak tuaitaam hna sehlaw a dawh caah palek nih naihte in a kong an hlat cuahmah i Matt le thonginn rianttuantu nu hi sex- lei i hawikomhnak zong an rak ngei tiah hmuh a si. Cu a si caah caan saupi cu hi hna pahnih nih hin Mitchell hi a thluak an rak ttawl tiah palek nih an purhdah.
----------------------------------
Rel ttha a si na ti ahcun Share tuah ve te. kailawm
Comments
Post a Comment