Cu lawng si lo, Carlos cu 1997 i Brasil le France an chuih lio a freekick chuihmi nih leicung min hngalh ah a ser. Atu hi Champions League a chuih balmi vialte chung in Champions League ah bawlung phu khat ah chuih tti ding a duhmi a thim hna.
Mah hi UK i Daily Mail nih minung 11 a thimtermi chung in a si i amah lila zong aa telh ve. A thimnak lawng si lo in a thimmi cheukhat cu tihin a fak hna
Iker Casillas hi kum 19 a si in Real Madrid caah Champions League goalbawh a rak si cang i a kong ti hin a chim:
- Leicung goalbawh thiambik timi tlawmte lakah aa tel.
Zinedine Zidane kong cu tihin a chim:
- Bawlung a tuah to khawh ning khi zungzal in cinken le philh lo a si ko lai.
Ronaldo cu tihin a ruah:
- Goalsut ding ah hrinmi a si i zeibantuk phun goal paoh a sut khawh. Hmaikal ka hmuhmi lakah a tlingbik mi a si.
A hnubik ah amah cu kehlei-hnukham caah a thiambik in aa thim ve. "Freekick chuih a hauh caan ah hmaikal pawl a cuh kho tu si a herh ngai," a ti.
Champions League ah a thimmi 11 hna cu a tanglei bantuk hi an si:
(Formation: 4-1-4-1):
Goalbawh: Iker Casillas
Orhlei-hnu: Cafu
Alai-hnu: Fabio Cannavaro
Alai-hnu: Paolo Maldini
Kehlei-hnu: Roberto Carlos
Defensive-laikal: Claude Makélélé
Attacking-laikal-orh: Luís Figo
Central-laikal: Clarence Seedorf
Central-laikal: Zinedine Zidane
Attacking-laikal-keh: Ronaldinho
Hmaikal: Ronaldo
Roberto Carlos cu kum 41 a si cang i amah hi 2012 khan aa din cang i Turkey Club pakhat ah manager a ttuan lio a si. Real Madrid caah puai 400 a chuih i goal 47 a sut ve.
Comments
Post a Comment